shakl-e-aks-o-aina masjid thi ya mai-KHana tha

By

shakl-e-aks-o-aina masjid thi ya mai-khana tha
aap to mehman tha aur aap sahab-khana tha
kis ko jurat thi jo karta teri aaraish-giri
surat-e-shamshad to khud zulf tha khush shana tha
husn se tere hua hai ishq ka bazar garm
tu agar jalwa na karta hum ko bhi sauda na tha
thi sahar 'maruf' shakh-e-sarw-e-gul kham ja-ba-ja
har kaf-e-khake--chaman goya ibaadat-khana tha

sag-e-laila ke naqsh-e-pa hain hum

By

sag-e-laila ke naqsh-e-pa hain hum
yani majnun ke rahnuma hain hum
kyun na ho dushmanon ke ghar matam
dost ke kushta-e-jafa hain hum
tum ko dil ki bhi hai kasu ke khabar
dil mein khush ho ki dil-ruba hain hum
jis qadar hum ko samjhiye be-qadr
qadr mein us se bhi siwa hain hum
kyun na mitti kharab ho apni
is kharabaat ki bina hain hum
kis se rakhiye ghubar ai 'maruf'
ek aalam ki khak-e-pa hain hum

puchho na kuchh kaTe hai ab auqat kis tarah

By

puchho na kuchh kate hai ab auqat kis tarah
hai ye hi gham ki aaenge wo hat kis tarah
'maruf' se ye main ne jo puchha ki in dinon
batla tere guzarte hai auqat kis tarah
kahne laga ki rote guzarta hai mujh ko din
phir main kaha ki din to hua raat kis tarah
bola ki raat waqt-e-mulaqat-e-yar hai
puchha jo main ki shakl-e-mulaqat kis tarah
bola ki hum ko ek munajat yaad hai
main ne kaha sunin wo munajat kis tarah
be-ikhtiyar ro ke kaha dil laga kahin
kahne ki baat hai ye kahun baat kis tarah

na KHwahish hai gadai ki na hai arman shahi ka

By

na khwahish hai gadai ki na hai arman shahi ka
ilahi ishq de bande ko mahbub-e-ilahi ka
agar rakkhe tere kuche ki sarhad se qadam bahar
guman phir khizr par le jaen hum gum-karda rahi ka
yahan to dagh-e-khun daman se dhoya tu ne ai hamil
wahan ek din khilega gul hamari be-gunahi ka
bahut aashiq to maqtul-e-nigah-o-ghamza hain lekin
ye tera nim-jaan bismil hai teri kam-nigahi ka
ghulami 'khusraw'-e-dehli ki hai 'maruf' fakhr apna
ki hum aashiq hai hum mashuq mahbub-e-ilahi ka

na hum mahw-e-KHayal abru-e-KHam-dar sote hain

By

na hum mahw-e-khayal abru-e-kham-dar sote hain
sipahi hain zi-bas bandhe hue talwar sote hain
tumhaara sote sote chaunk padna khab gaya dil mein
ki aksar khud-bakhud ho ho ke hum bedar sote hain
ilahi hum ko hai kis ka khayal-e-khwab-o-be-dari
jo lakhon haar uthte hain hazaron yar sote hain
nigah-e-mast-e-saqi mein hai kya dara-e-be-hoshi
ki saghar lag raha hai munh se aur mai-khwar sote hain
na kar waswas dil mein chal wahan 'maruf' be-khatke
ki darban unghta hai aur chaukidar sote hain

likhun firaq ki gar wardat wasli par

By

likhun firaq ki gar wardat wasli par
juda juda hun tapan mufaridat wasli par
likha tha main ne jo bakht-e-siyah ka ahwal
giri siyahi ki aakhir dawat wasli par
hamare yar ne tifli mein bhi siwae sitam
likha nahin raqam-e-iltifat wasli par
ye baat nikle hai andaz se ki ab 'maruf'
likhega us lab-e-shirin ki baat wasli par