zargar-o-haddad KHush hon wo karen tadbir hum

By

zargar-o-haddad khush hon wo karen tadbir hum
tauq-e-zar tum pahno pahnen aahani zanjir hum
aur diwanon se rakhte hain zara tauqir hum
dalte hain aap apne panw mein zanjir hum
kufr-o-din ke qaede donon ada ho jaenge
zabh wo kafir kare munh se kahen takbir hum
yun hi khush karte hain dil apna umid-e-wasl mein
khinchte hain ek ja apni teri taswir hum
aa gaya jis din khayal-e-joshish-e-diwanagi
chaak kar dalenge apna nama-e-taqdir hum
sun to o zalim bhala ye bhi koi insaf hai
laeq-e-altaf aada qabil-e-tazir hum
wasl mere un ke hoga kuchh ab is mein shak nahin
kah do aamin de chuke is khwab ki tabir hum
rose ka jhagda uthae kaun kar lete hain aaj
imtihan-e-kawish-e-qatil tah-e-shamshir hum
kyun na mustaghni rahen fazl-e-khuda se ai 'nasim'
rakhte hain mulk-e-sukhan ki waqai jagir hum

wasl ki raat hai aaKHir kabhi uryan honge

By

wasl ki raat hai aakhir kabhi uryan honge
main pasheman hun to kya wo na pasheman honge
aap mar jaunga tu aa ki na aa o zalim
aaj wo din hai ki mujh par mere ehsan honge
ghair ki shakl banenge kabhi khud un ka shauq
hum bhi dekhen to kahan tak na wo pursan honge
dil jo rutha to manane se kahin manta hai
ye sitam bais-e-hasrat tujhe ai jaan honge
aaj bahrup adu ka hai banaya main ne
ab to wo bhi mere andaz pe qurban honge
un ko pahnenge mere dasht-e-junun ke kante
ye wo daman hain ki aakhir ko gareban honge
barhami duri-e-jaanan mein unhen hogi 'nasim'
mere nale asar-e-fikr-e-ghazal-khwan honge

safar hai dushwar KHwab kab tak bahut paDi manzil-e-adam hai

By

safar hai dushwar khwab kab tak bahut padi manzil-e-adam hai
'nasim' jago kamar ko bandho uthao bistar ki raat kam hai
'nasim' ghaflat ki chal rahi hai umand rahi hain qaza ki ninden
kuchh aisa soe hain sone wale ki jagna hashr tak qasam hai
jawani-o-husn-o-jah-o-daulat ye chand anfas ke hain jhagde
ajal hai istada dast-basta nawed-e-rukhsat har ek dam hai
basan-e-dast-e-sawal sail tahi hon har ek muddaa se
niyaz hai be-niyaziyon se baghal mein dil surat-e-sanam hai
maal-e-kar-e-jahan-e-fani kabhi nahin ek qaede par
jo chaar din hai wufur-e-rahat to baad is ke gham-o-alam hai
daregh karna na zor-e-bazu mita le sari kuduraton ko
hawas na rah jae koi qatil ki sar tah-e-khanjar-e-do-dam hai
zaban roko bahak rahe ho surur-e-do-shina josh par hai
mai-e-visal-e-shab-e-tamanna har ek lab se abhi baham hai
ye misra-e-mukhbir-e-musibat kamal hum ko pasand aaya
'nasim' jago kamar ko bandho uthao bistar ki raat kam hai

qurban ho rahi hai meri jaan idhar-udhar

By

qurban ho rahi hai meri jaan idhar-udhar
wan rah pe hai jo zulf-e-pareshan idhar-udhar
jate hain jab wo su-e-chaman sair ke liye
hote hain sath aashiq-e-nalan idhar-udhar
hain lakht-e-dil kahin to kahin para-e-jigar
rahte hain pesh-e-chashm-e-gulistan idhar-udhar
hangama-e-junun se jo donon hue hain chaak
daman idhar-udhar hai gareban idhar-udhar
zulfen chhuti hui hain jo chehre pe do taraf
lahra rahe hain afi-e-pechan idhar-udhar
dekha unhon ne murda mujhe main ne ashk-bar
aae nazar hain khwab-e-pareshan idhar-udhar
ya dushmanon se qata ho ya mujh se tark-e-rabt
kyun dil ko kar rahe ho meri jaan idhar-udhar
mutrib wahan hain jama nawa-saz us taraf
hote hain kal se aish ke saman idhar-udhar
kyun kar karun main baat chap-o-rast-e-yar ki
rahte hain sath sath nigahban idhar-udhar
wo apni hat pe hain mujhe apne kahe ki zid
samjha rahe hain donon ko insan idhar-udhar
aankhon pe saeban hain maze did ke hon kya
phaile hue hain daman-e-mizhgan idhar-udhar
wo but hai main hun sahib-e-din bahr-e-faisla
hote hain jama gabr-o-musalman idhar-udhar
wo chahte hain aaen main kahta hun aap jaun
kis lutf par hai raghbat-e-ehsan idhar-udhar
nalan wo aqraba se main hun mukhbiron se tang
kis kis tarah ke dil mein hain arman idhar-udhar
harjai un ko kahte hain be-sharm mujh ko log
uthte hain raat-din yahi tufan idhar-udhar
manzur hai jo ranjish-e-sabiq ka faisla
har rose jama hote hain mehman idhar-udhar
hain pahluon mein dagh jo donon taraf 'nasim'
jalwa dikha rahe hain gulistan idhar-udhar

phir uske phande mein ja rahe hain ki jis ke phande mein ja chuke the

By

phir us ke phande mein ja rahe hain ki jis ke phande mein ja chuke the
wahi musibat utha rahe hain ki jo musibat utha chuke the
kaho jo beja baja hai mujh ko saza hai jo na-saza hai mujh ko
ki un ka rona pada hai mujh ko jo muddaton tak rula chuke the
jo un ki khu thi so un ki khu hai jo guftugu thi so guftugu hai
phir un pe mitne ki aarzu hai jo har tarah se mita chuke the
adu ka main hun adu muqarrar barabar aa ke hue barabar
bhala badalta na rang kyun kar wo rang apne jama chuke the
kisi se koi na dil lagae 'nasim' kya kaifiyat batae
wahi ab aansu bahane aae lahu jo mera baha chuke the

pak hai lazzat-e-ishrat se zaban-e-waiz

By

pak hai lazzat-e-ishrat se zaban-e-waiz
jo bala aae ilahi so ba-jaan-e-waiz
ham-nafas bagh-e-jinan ghar hai gunahgaron ka
dhundh dozakh mein kahin ja ke makan-e-waiz
khidmat-e-rind qadah-nosh mein ye be-adabi
ji mein hai katiye danton se zaban-e-waiz
khud-faramosh hai kya aur ko samjhaega
rast-bazon se kaji par hai guman-e-waiz
kyun na ho tir-e-ishaaraat se aalam majruh
qadd-e-kham-gashta hai goya ki kaman-e-waiz