yaaden

By

shab ka ek baja hai
aur meri aankhon mein jaise
pyasa suraj aag aaya hai yaadon ka
aadhi raat hui hai aur
yaadon ki dhup
abhi tak dhali nahin hai

sanjh

By

hamare dard sanjhe hain
ki hum ukhde hue do ped
girte ja rahe hain lamha lamha ab
hamare rog sanjhe hain
ki hum andhe samay mein apni ruhen hi ganwa baithe
hamare jog sanjhe hain
ki hum apne badan mein khojte hain
khud ko har saat
hamare dard sanjhe hain
hamare rog sanjhe hain
hamara hijr sanjha hai
hamara wasl sanjha hai

kali aag

By

bahut hi gahra sannata hai ruh khala mein
khud ko jo main dhundhna chahun
gum ho jati hun main us mein
kaun hai meri zat ke andar
ek to main hun
duja kaun chhupa hai mujh mein