ye jal jate hain lab tak aah bhi aane nahin dete

By

ye jal jate hain lab tak aah bhi aane nahin dete
madad ke waste aawaz parwane nahin dete
kahin par zikr un ka bhi na aa jae isi dar se
wo rudad-e-mohabbat hum ko dohrane nahin dete
mere bachche bhi meri hi tarah khuddar hain shayad
khayal-e-muflisi mujh ko kabhi aane nahin dete
chale ho mai-kasho pine magar tum hosh mat khona
kisi ko rasta ghar ka ye maikhane nahin dete
wo jis ke husn ki tarikh tum ne khud hi likkhi thi
wahi taswir kyun duniya ko dikhlane nahin dete
'wasim' ansar ne aise sitam dhae muhajir par
ki hum hijrat ka lab par nam bhi aane nahin dete

jaane kyun bhai ka bhai khul ke dushman ho gaya

By

jaane kyun bhai ka bhai khul ke dushman ho gaya
ghar mein diwaren uthana ab to fashion ho gaya
ek muflis ko sadak par galiyan dene ke baad
wo samajhta hai hamara nam raushan ho gaya
aaj to aae hamein kis ki qayaadat par yaqin
kal jo apna rahnuma tha aaj rahzan ho gaya
dekh kar bachchon ko bhi ab yaad aata hi nahin
mahw kuchh aisa hamare dil se bachpan ho gaya
chhate chhate chha gai fasl-e-bahaaran par khizan
dekhte hi dekhte pamal gulshan ho gaya
main ne to haq baat hi munh se nikali thi 'wasim'
jaane kyun sara zamana mera dushman ho gaya

Dar maut ka na KHauf kisi dewta ka tha

By

dar maut ka na khauf kisi dewta ka tha
wo fath-yab yun tha ki banda khuda ka tha
pahle bhi hadsat hue zindagi ke sath
lekin jo aaj dekha wo manzar bala ka tha
lo wo bhi gir gaya mere aangan ka ped aaj
har waqt jis se aasra taza hawa ka tha
sun kar jise pahadon ke sine dahal gae
ye bhi karishma dosto apni sada ka tha
tufan se bach nikalne ki surat na thi koi
ye faiz meri man ke hi dast-e-dua ka tha
tum bhi bhula do tark-e-talluq ka waqia
hum bhi ye soch lenge ki jhonka hawa ka tha
sahil pe la ke aap safine jala diye
ye kaam bhi 'wasim' hamari ana ka tha

jaane kyun bhai ka bhai khul ke dushman ho gaya

By

jaane kyun bhai ka bhai khul ke dushman ho gaya
ghar mein diwaren uthana ab to fashion ho gaya
ek muflis ko sadak par galiyan dene ke baad
wo samajhta hai hamara nam raushan ho gaya
aaj to aae hamein kis ki qayaadat par yaqin
kal jo apna rahnuma tha aaj rahzan ho gaya
dekh kar bachchon ko bhi ab yaad aata hi nahin
mahw kuchh aisa hamare dil se bachpan ho gaya
chhate chhate chha gai fasl-e-bahaaran par khizan
dekhte hi dekhte pamal gulshan ho gaya
main ne to haq baat hi munh se nikali thi 'wasim'
jaane kyun sara zamana mera dushman ho gaya