zaitun ki TuTi shaKH

By

in meri jawan
ungliyon se raste jate hain
mere budhe lambe sal
main tanhai ki
thandi sil par baitha hun
aur rota hun
main azal abad ka andha musafir
chalta hun
main apne qadmon se niklun
mujhe rasta do
sab chehre mere apne hain
go kale hain
sayon ke taaqub mein
mere panw mein chhaale hain
is hashr-ba-daman duniya mein
mujhe shakti do

do aalam

By

ek bharpur mukammal pan
yak jaani ghusl aur nashta
dhobi dhule hue kapde be polish boot
sadken aabaadi tanhai
khabren sher aawazen rang
masafat sabza ped pahad aur pani
nange pair aur sath ki hairani dil ki gahrai
tanhai ka sukun aur
tanhai ki wahshat
ek bharpur mukammal pan
yak-jaani yaktai
raat ka khana sair
aur hat mein hat
aur waqt ki tezi
sine sile hue
khunki mein hiddat
garmi mein kuchh aur bhi achchhi hiddat
khwab bahao sara aalam
jagte jagte sona sote sote
jagte rahna yak tai yak jaani
pani dariya pani gahra sabz samundar
jis mein tan duben tanhai nikle
shah-e-rag se nazdik ragon mein rawan
sine ki sans lahu ki surkhi
aankh ki binai yak tai
yak jaani bharpur mukammal-pan
tanhai
tanhai

dil ke mausam

By

ab ke khushbu
shakhon par maslub hui
us ka chehra
ek daricha
nae jahanon
mein khulta tha
us ne khwab sajae
mere sahra mein diwar ugi
kitni bahaaren
mere dil mein
reza reza
ab ke khushbu
shakhon par maslub hui