tumhein pyar hai, to yaqin do,

By

tumhein pyar hai, to yaqin do,
mujhe na kaho, tumhein pyar hai, mujhe dekhne ki na zid karo,
tumhein fikr ho, mere haal ki,
koi guftugu ho malal ki,
jo khayal ho, na kiya karo,
na kaha karo meri fikr hai
main aziz-tar hun jahan se
ya iman se, na kaha karo,
na likha karo mujhe waraq par, kisi farsh par,
na udas ho, na hi khush raho
mujhe soch kar, ya kharoch kar, meri yaad ko na aawaz do,
mujhe khat mein likh ke khudaon ka na do wasta
tumhein pyar mein na qarar hai, mujhe is zaban ka yaqin nahin
kuchh aur ho, jo suna na ho, jo kaha na ho jo likha na ho
to yaqin ho!
ruko aur thoda sa zabt lo, mujhe soch lene ko waqt do,
chalo yun karo mere waste ki buland-o-baala imaraton ka lo jaeza
jo falak ko bosa laga rahi hon imaraten,
jo tumhaare pyar se le rahi hon mushabahaten
jo ho sab se ziyaada buland-o-baala alag-thalag
use sar karo,
use chhat talak, han yahin ruko, ye wo hi hai chhat,
zara sans lene ko qayam lo, mera nam lo,
to safar ki sari thakan yahin pe utar lo,
ab! mere tumhaare jo darmiyan mein hai fasla, wo zara sa hai,
wo mita sako, to ghurur dhati bulandiyon ko phalang do!
tumhein pyar hai to yaqin do!!

gila honTon pe lae ja raha hun

By

gila honton pe lae ja raha hun
main tera gham manae ja raha hun
wo mujh ko bhul jae ja rahi hai
main is ko yaad aae ja raha hun
badan tha aa gaya hai laut ke ghar
main tere pas pae ja raha hun
sitam ye hai ki ab tu bhi nahin hai
gareban munh chhupae ja raha hun
jise dekho wo roe ja raha hai
main tere khat sunae ja raha hun

gila tere firaq ka jo aaj-kal nahin raha

By

gila tere firaq ka jo aaj-kal nahin raha
to kyun bhala ye mustaqil azab tal nahin raha
main kis se iltija karun kahan se ibtida karun
dua ahal rahi nahin gila badal nahin raha
main raston ki bhid mein kahan ye aa gaya ki ab
koi bhi rasta teri gali nikal nahin raha
wo naqsh-e-pa ko dekh kar chala ho mujh ko dhundne
isi guman ke ewaz main tez chal nahin raha
faqat yahi hai aarzu tu mil kahin to ru-ba-ru
ye dil tere firaq mein kahin sambhal nahin raha

gila tere firaq ka jo aaj-kal nahin raha

By

gila tere firaq ka jo aaj-kal nahin raha
to kyun bhala ye mustaqil azab tal nahin raha
main kis se iltija karun kahan se ibtida karun
dua ahal rahi nahin gila badal nahin raha
main raston ki bhid mein kahan ye aa gaya ki ab
koi bhi rasta teri gali nikal nahin raha
wo naqsh-e-pa ko dekh kar chala ho mujh ko dhundne
isi guman ke ewaz main tez chal nahin raha
faqat yahi hai aarzu tu mil kahin to ru-ba-ru
ye dil tere firaq mein kahin sambhal nahin raha