araq jab us pari ke chehra-e-pur-nur se Tapke

araq jab us pari ke chehra-e-pur-nur se tapke
khajil ho gul se shabnam jun lahu nasur se tapke
meri aankhon se khunin ashk yun girte hain palkon par
lahu suli ke upar jun sar-e-mansur se tapke
agar kaif-e-sukhan mera nihaal-e-tak ko pahunche
surahi shakh ban jawe sharab angur se tapke
agar us zulf-mushk-amez se chunni mein baal aawe
ajab main itr-o-ambar kasa-e-naghfur se tapke
karun fariyaad ro ro yar ko jab yaad kar 'ajiz'
dam israfil ka lohu ho bang-e-sur se tapke