dil-dahi

By

sham ki zau
har taraf sahil pe halka sa andhera abr ka
dur ufuq par ek udasi ka muhit
dubi dubi mahw si namnak aanhken
dard-e-furqat se hazin roya hua dil
aur samundar
narm lahron ke mulaem hath se
tifl ko de raha hai haule haule thapkiyan

shirkat

By

la-mutanahi la-mutanahi
silsile sare
hum ko in se kya karna hai
hum ko faqat itna karna hai
is sab la-mutanahi mein se apna kuchh mutanahi chun kar
apne qalam ki zad se apni nazar ki had tak
us mein ek markuz tasalsul bhar dena hai
us ko phir se la-mutanahi kar dena hai