ek KHuda par takiya kar ke baiTh gae hain

By

ek khuda par takiya kar ke baith gae hain
dekho hum bhi kya kya kar ke baith gae hain
puchh rahe hain log are wo shakhs kahan hai
jaane kaun tamasha kar ke baith gae hain
utre the maidan mein sab kuchh thik karenge
sab kuchh ulta sidha kar ke baith gae hain
sare shajar shadabi samete apni apni
dhup mein gahra saya kar ke baith gae hain
laut gae sab soch ke ghar mein koi nahin hai
aur ye hum ki andhera kar ke baith gae hain

ek mishal thi bujha di usne

By

ek mishal thi bujha di us ne
phir andheron ko hawa di us ne
kis qadar fart-e-aqidat se jhuka
aur phir khak uda di us ne
dam-ba-dam mujh pe chala kar talwar
ek patthar ko jila di us ne
yan to aata hi nahin tha koi
aan kar bazm saja di us ne

ajib shai hai ki surat badalti jati hai

By

ajib shai hai ki surat badalti jati hai
ye sham jaise maqabir mein dhalti jati hai
chahaar samt se tesha-zani hawa ki hai
ye shakh-e-sabz ki har aan phalti jati hai
pahunch sakunga fasil-e-buland tak kaise
ki mere hath se rassi phisalti jati hai
kahin se aati hi jati hai nind aankhon mein
kisi ke aane ki saat nikalti jati hai
nigah ko zaeqa-e-khak milne wala hai
ki sahilon ki taraf naw chalti jati hai