agar nahin qasd ai zalim mere dil ke satane ka

agar nahin qasd ai zalim mere dil ke satane ka
sabab kya hai tujhe mujh se namane se bahane ka
hui muddat nahin taqat mere dil kun judai ki
karam kar aa sajan ya fikr kar mere bulane ka
shah-e-khuban mere ghar raat ko aaya hai ai mutrib
mera dil shad hai ga rag ai mutrib shahane ka
na howe kyun ke gardun pe sada dil ki buland eti
hamari aah hai danka damame ke bajaane ka
jabhi ho wasl hansi sin hisar-e-pairahan tab
tera 'yakru' tsunami hai nahin hargiz samane ka

agar wo gul-badan dariya nahane be-hijab aawe

agar wo gul-badan dariya nahane be-hijab aawe
tajjub nahin ki sab pani sati bu-e-gulab aawe
jidhan dekhun bahaaran mein nashat-e-bulbul-o-qumri
mujhe us waqt be-shak yaad ayyam-e-shabab aawe
mera afsana o afsun tere kan sabz kyunke ho
siyah mizhgan tumhaari dekh ke sabze kun khwab aawe
meri ankhiyan phadakti hain yaqin hai dil manin yaran
ki name kun piyare ke kabutar le shitab aawe
siyah-mastan ke aage sin nikalna hai nipat mushkil
agar hoshyar tujh ankhiyan ke tain dekhe kharab aawe
darang ek dam nahin lazim judai sin phadakta hai
kaho ja kar khush-abru kun ki 'yakru' kan shitab aawe

gal ko sharminda kar ai shoKH gulistan mein aa

gal ko sharminda kar ai shokh gulistan mein aa
lab sin ghunche ka jigar khun karo muskyan mein aa
wahi ek jalwa-numa jag mein hai duja koi nahin
dekh wajib kun sada majma-e-imkan mein aa
zindagi mujh dil-e-murda ki tauhin hai mat ja
dil se gar khush nahin ai shokh meri jaan mein aa
gul dil-e-ghuncha naman tang ho rang-o-bu sin
jab kare yaad tere lab ke tain dhyan mein aa
gar tu mushtaq hai dilbar safar-e-dariya ka
aa ke kar mauj mere dida-e-giryan mein aa
mat mila kar tu raqiban sin sabhi paji hain
dekh kar qadr aapas ka ai sanam shan mein aa
yun mera dil tere kuche ka bala-gardan hai
jyun kabutar ude hai chhatri ke gardan mein aa
gar karo qatl mere dil kun taghaful sin jaan
phir ke dawa na karun hashr ke maidan mein aa
dil-e-'yakru' hai tera pae bandhiya kakul ka
yaad rakh us kun sada mat kabhu nisyan mein aa

gudaz-e-atish-e-gham sin hui hain bawli ankhiyan

gudaz-e-atish-e-gham sin hui hain bawli ankhiyan
anjhu ke bhant pani ho ke mati mein ruli ankhiyan
karengi qatl dil kun aaj tegh-e-abruwan-seti
nipat khunin hain zalim hum nin teri atkali ankhiyan
pae-daf-e-gazand-e-zul-fiqar abru tere mukh par
mizha kun kar zaban karti hain dam nad-e-ali ankhiyan
agar dekhen bahaar-e-husn khil gul ke naman phulen
rahin hain mund jaddai ye khizan sin jun kali ankhiyan
nahin darkar kuchh ai khush-nigah surme ka dumbaala
mera dil qatl karne kun yu bas hain atkali ankhiyan
gaya hai mah-ru jab sin juda ho aab-e-haiwan jun
jase mahi juda jal sin tapin yun tilmili ankhiyan
na howe dard-e-sar 'yakru' kun paida garmi-e-gham sun
agar dekhen piya ke mukh ka rang-e-sandali ankhiyan