harf lafzon ki taraf lafz maani ki taraf

By

harf lafzon ki taraf lafz maani ki taraf
laut aae sabhi kirdar kahani ki taraf
us se kahna ki dhuan dekhne ke laeq hoga
aag pahne hue jaunga main pani ki taraf
pahle misre mein tujhe soch liya ho jis ne
jaana padta hai use misra-e-sani ki taraf
dil wo dariya hai mere sina-e-khali mein ki ab
dhyan jata hi nahin jis ki rawani ki taraf

apni jaisi hi kisi shakl mein Dhaalenge tumhein

By

apni jaisi hi kisi shakl mein dhaalenge tumhein
hum bigad jaenge itna ki bana lenge tumhein
jaane kya kuchh ho chhupa tum mein mohabbat ke siwa
hum tasalli ke liye phir se khagalenge tumhein
hum ne socha hai ki is bar junun karte hue
khud ko is tarah se kho denge ki pa lenge tumhein
mujh mein paiwast ho tum yun ki zamane wale
meri mitti se mere baad nikalenge tumhein

aabru-e-shab-e-tira nahin rakhne wale

By

aabru-e-shab-e-tira nahin rakhne wale
hum kahin par bhi andhera nahin rakhne wale
aaina rakhne ka ilzam bhi aaya hum par
jab ki hum log to chehra nahin rakhne wale
hum pe farhad ka kuchh qarz nikalta hai so hum
tum kaho bhi to ye tesha nahin rakhne wale
hum ko malum hain az-ru-e-mohabbat so hum
koi bhi dard ziyaada nahin rakhne wale