agar tu sath chal paDta safar aasan ho jata

agar tu sath chal padta safar aasan ho jata
khushi se umr bhar jine ka ek saman ho jata
na ja kar kyun jatata hai jo jaana tha chala jata
bahut hota to ye hota ki main hairan ho jata
jo meri samt tu do gam bhi hans kar chala aata
main tere aur tu mere liye iman ho jata
khushi se mujh pe kya jaane guzar jaani thi phir 'hamid'
ghadi pal ko bhi tu mujh par jo kuchh qurban ho jata

bhaDak uTha hai alaw tumhaari furqat ka

bhadak utha hai alaw tumhaari furqat ka
nahin hai tum pe asar phir bhi kyun mohabbat ka
maani hi to nahin kya badal gae us ke
wafa ko nam jo dete ho tum aziyyat ka
tumhi batao mere hoge aur kaise tum
ilaj-e-ijz bhi nikla nahin raunat ka
kisi ko pa liya tum ne to chhod kar mujh ko
koi ilaj to kar do meri bhi hasrat ka

biphri lahren raat andheri aur bala ki aandhi hai

biphri lahren raat andheri aur bala ki aandhi hai
girdabon ne bhi ghera hai naw bhi tuti-phuti hai
kis ne rakh dale angare dil si shakh ki aankhon par
wo kyun bhula ye khushiyon ke phul khilane wali hai
jis ko tera sath mila wo khush na rahe kyun phulon sa
tera to chhu lena tak bhi hijr ke rog mein shafi hai
had mein ho to pyar hai achchha warna ye bhi zahmat hai
jaise ek chingari bhadke to jangal par bhaari hai

diye ki lau se na jal jae tirgi shab ki

diye ki lau se na jal jae tirgi shab ki
ki din ki qadr ka bais hai har ghadi shab ki
jo dil-kharash hain kuchh lamhe din ke lamhon mein
to dil-faroz bhi hain saaten kai shab ki
kahan ke khwab mere aur kahan ki tabiren
mujhe to sone na de ab sahar-gari shab ki
jo wo nahin hai to kuchh bhi nahin hai phir 'hamid'
abas hain chand ke bin raunaqen sabhi shab ki

biphri lahren raat andheri aur bala ki aandhi hai

biphri lahren raat andheri aur bala ki aandhi hai
girdabon ne bhi ghera hai naw bhi tuti-phuti hai
kis ne rakh dale angare dil si shakh ki aankhon par
wo kyun bhula ye khushiyon ke phul khilane wali hai
jis ko tera sath mila wo khush na rahe kyun phulon sa
tera to chhu lena tak bhi hijr ke rog mein shafi hai
had mein ho to pyar hai achchha warna ye bhi zahmat hai
jaise ek chingari bhadke to jangal par bhaari hai