bahaar aai gali ki tarah dil khol

bahaar aai gali ki tarah dil khol
gulon ki bhant hans bulbul ke jun bol
piya tere zanakh mein chah kar ke
hue sab aashiqan ke dil dawan-dol
hamare jaan o dil sin gham nen zid ki
hua dil tang wa jame mein pada jhol
bala hai rah bahkane kun ye zulf
gaya hai bich us ke dekh marghol
bikai hath us ke aap zar de
bhala yusuf zulekha nen liya mol

garche is buniyaad-e-hasti ke anasir chaar hain

garche is buniyaad-e-hasti ke anasir chaar hain
lekin apne nist ho jaane mein sab na-chaar hain
dosti aur dushmani hai in butan ki ek si
chaar din hain mehrban to chaar din bezar hain
ji koi mansur ke jun jaan karte hain fida
we sipahi aashiqon ki fauj ke sardar hain
ye jo sajti hai katari-dar mashru ki izar
marne ke waqt aashiq ke nangi tarwar hain
dosti aur pyar ki baaton pe khuban ki na bhul
shokh hote hain nipat ayyar kis ke yar hain
jo nasha jwani ka utrega to khinchenge khumar
ab to khuban sab sharab-e-husn ke sarshaar hain
kis tarah chashmon seti jari na ho dariya-e-khun
thal na paira 'abru' hum war aur we par hain

dil hai tere pyar karne kun

dil hai tere pyar karne kun
ji hai tujh par nisar karne kun
ek lahr lutf ki hamein bas hai
gham ke dariya sun par karne kun
chashm meri hai abr-e-nisani
girya-e-zar-zar karne kun
chashm nin anjhuwan ki basti ki
zulm tera shumar karne kun
rashk sin jab koi chhue wo zulf
dil uthe mar mar karne kun
is ada sun latak latak mat aa
dil mera be-qarar karne kun
nanw kun garche tu mamula hai
baz hai dil shikar karne kun
kya karun kis se ja lagaun ghat
'abru' us ke yar karne kun