aaj yaron ko mubarak ho ki subh-e-id hai

aaj yaron ko mubarak ho ki subh-e-id hai
rag hai mai hai chaman hai dilruba hai did hai
dil diwana ho gaya hai dekh ye subh-e-bahaar
rasmasa phulon basa aaya ankhon mein nind hai
sher aashiq aaj ke din kyun raqiban pe na hon
yar paya hai baghal mein khana-e-khurshid hai
gham ke pichho rast kahte hain ki shadi howe hai
hazrat-e-ramazan gae tashrif le ab id hai
id ke din rowta hai hijr sin ramzan ke
be-nasib us shaikh ki dekho ajab fahmid hai
silk us ki nazm ka kyunkar na howe qimti
'abru' ka sher jo dekha so marwarid hai

aashiq bipat ke mare rote hue jidhar jaan

aashiq bipat ke mare rote hue jidhar jaan
pani sin us taraf ki rahen tamam bhar jaan
mar kar tere laban ki surkhi ke tain na pahunche
har chand sai kar kar yaqut-o-lal-o-marjaan
jangal ke bich wahshat ghar mein jafa o kulfat
ai dil bata ki tere mare hum ab kidhar jaan
ek arz sab sin chhup kar karni hai hum kun tum sin
raazi ho gar kaho to khalwat mein aa ke kar jaan

aaya hai subh nind sun uTh rasmasa hua

aaya hai subh nind sun uth rasmasa hua
jama gale mein raat ke phulon basa hua
kam mat gino ye bakht-siyahon ka rang-e-zard
sona wahi jo howe kasauti kasa hua
andaz sin ziyaada nipat naz khush nahin
jo khal had se ziyaada badha so masa hua
qamat ka sab jagat munin baala hua hai nam
qad is qadar buland tumhaara rasa hua
zahid ke qadd-e-kham kun musawwir ne jab likha
tab click hath bich jo tha so asa hua
dil yun dare hai zulf ka mara wo phunk sin
rassi sin azhdahe ka dare jun dasa hua
ai 'abru' awal sen samajh pech ishq ka
phir zulf sin nikal na sake dil phansa hua