ajib chiz mohabbat ki wardat bhi hai

ajib chiz mohabbat ki wardat bhi hai
hadis-e-dil bhi hai rudad-e-kaenat bhi hai
obudiyat to hamara hai shewa-e-fitri
agar khudai karen hum to koi baat bhi hai
idhar bhi uthti hai arbab-e-anjuman ki nazar
kuchh aap hi nahin mahfil mein meri zat bhi hai
mere wajud se na-mumkinat ka aalam
mere wajud se duniya-e-mumkinat bhi hai
ye irtiqa-e-bashar ki hai kaun si manzil
ki is ki zad mein khuda bhi hai kaenat bhi hai

bahaar aaegi gulshan mein to dar-o-gir bhi hogi

bahaar aaegi gulshan mein to dar-o-gir bhi hogi
jahan ahl-e-junun honge wahan zanjir bhi hogi
isi ummid par hum gamzan hain rah-e-manzil mein
yahan zulmat sahi aage kahin tanwir bhi hogi
agar rahna hai gulshan mein to apne aashiyane ki
kabhi takhrib bhi hogi kabhi tamir bhi hogi
yahi to soch kar hum un ki mahfil se chale aae
hamari khamushi ki kuchh na kuchh tafsir bhi hogi
ye hum bhi jaante hain zindagi ek khwab hai 'afsar'
magar is khwab ki aakhir koi tabir bhi hogi

gham-e-hayat ke pesh-o-aqab nahin paDhta

gham-e-hayat ke pesh-o-aqab nahin padhta
ye daur wo hai jo sher-o-adab nahin padhta
koi to baat hai rudad-e-khun-e-nahaq mein
kahin kahin se wo padhta hai sab nahin padhta
kisi ka chehra-e-taban ki mah-e-rakhshanda
jo padhne wala hai quran wo kab nahin padhta
wo kaun hai jo tujhe raat din nahin likhta
wo kaun hai jo tujhe roz-o-shab nahin padhta
wo ab to is qadar izhaar-e-haq se darta hai
agar likha ho kahin lab to lab nahin padhta
na jaane in dinon kya ho gaya hai saqi ko
nigah-e-rind mein husn-e-talab nahin padhta
usi ka rang hai 'afsar' usi ki khushbu hai
mera kalam koi be-sabab nahin padhta

gham-e-hayat ke pesh-o-aqab nahin paDhta

gham-e-hayat ke pesh-o-aqab nahin padhta
ye daur wo hai jo sher-o-adab nahin padhta
koi to baat hai rudad-e-khun-e-nahaq mein
kahin kahin se wo padhta hai sab nahin padhta
kisi ka chehra-e-taban ki mah-e-rakhshanda
jo padhne wala hai quran wo kab nahin padhta
wo kaun hai jo tujhe raat din nahin likhta
wo kaun hai jo tujhe roz-o-shab nahin padhta
wo ab to is qadar izhaar-e-haq se darta hai
agar likha ho kahin lab to lab nahin padhta
na jaane in dinon kya ho gaya hai saqi ko
nigah-e-rind mein husn-e-talab nahin padhta
usi ka rang hai 'afsar' usi ki khushbu hai
mera kalam koi be-sabab nahin padhta