jalwa-e-darbar-e-dehli

By

sar mein shauq ka sauda dekha
dehli ko hum ne bhi ja dekha
jo kuchh dekha achchha dekha
kya batlaen kya kya dekha
jamuna-ji ke pat ko dekha
achchhe suthre ghat ko dekha
sab se unche lat ko dekha
hazrat duke-connaught' ko dekha
paltan aur risale dekhe
gore dekhe kale dekhe
sanginen aur bhaale dekhe
band bajaane wale dekhe
khemon ka ek jangal dekha
us jangal mein mangal dekha
barahma aur warangal dekha
izzat khwahon ka danggal dekha
sadken thin har kamp se jari
pani tha har pump se jari
nur ki maujen lamp se jari
tezi thi har jump se jari
dali mein narangi dekhi
mahfil mein sarangi dekhi
bairangi barangi dekhi
dahr ki ranga-rangi dekhi
achchhe-achchhon ko bhatka dekha
bhid mein khate jhatka dekha
munh ko agarche latka dekha
dil darbar se atka dekha
hathi dekhe bhaari-bharkam
un ka chalna kam kam tham tham
zarrin jhulen nur ka aalam
milon tak wo cham-cham cham-cham
pur tha pahlu-e-masjid-e-jame
raushaniyan thin har-su lame
koi nahin tha kisi ka samea
sab ke sab the did ke tame
surkhi sadak par kutti dekhi
sans bhi bhid mein ghutti dekhi
aatish-bazi chhutti dekhi
lutf ki daulat lutti dekhi
chauki ek chau-lakhkhi dekhi
khub hi chakkhi-pakhkhi dekhi
har-su neamat rakkhi dekhi
shahd aur dudh ki makkhi dekhi
ek ka hissa mann-o-salwa
ek ka hissa thoda halwa
ek ka hissa bhid aur balwa
mera hissa dur ka jalwa
awaj brish raja dekha
partaw takht-o-taj ka dekha
rang-e-zamana aaj ka dekha
rukh corzon mahraj ka dekha
pahunche phand ke sat samundar
tahat mein un ke bison bandar
hikmat-o-danish un ke andar
apni jagah har ek sikandar
auj-e-bakht-e-mulaqi un ka
charkh-e-haft-tabaaqi un ka
mahfil un ki saqi un ka
aankhen meri baqi un ka
hum to un ke khair-talab hain
hum kya aise hi sab ke sab hain
un ke raj ke umda dhab hain
sab saman-e-aish-o-tarab hain
egzibshan ki shan anokhi
har shai umda har shai chokhi
aqlidas ki napi jokhi
man bhar sone ki lagat sokhi
jashn-e-azim is sal hua hai
shahi fort mein ball hua hai
raushan har ek hall hua hai
qissa-e-mazi haal hua hai
hai mashhur-e-kucha-e-barzan
ball mein nachen lady-corzon
tair-e-hosh the sab ke larzan
rashk se dekh rahi thi har zan
hall mein chamkin aa ke yaka-yak
zarrin thi poshak jhka-jhak
mahw tha un ka auj-e-sama tak
charkh pe zohra un ki thi gahak
go raqqasa-e-auj-e-falak thi
us mein kahan ye nok-palak thi
indr ki mahfil ki jhalak thi
bazm-e-ishrat subh talak thi
ki hai ye bandish zehn-e-rasa ne
koi mane khwah na mane
sunte hain hum to ye afsane
jis ne dekha ho wo jaane

nai tahzib

By

ye maujuda tariqe rahi-e-mulk-e-adam honge
nai tahzib hogi aur nae saman baham honge
nae unwan se zinat dikhaenge hasin apni
na aisa pech zulfon mein na gesu mein ye kham honge
na khatunon mein rah jaegi parde ki ye pabandi
na ghunghat is tarah se hajib-e-ru-e-sanam honge
badal jaega andaz-e-tabae daur-e-gardun se
nai surat ki khushiyan aur nae asbab-e-gham honge
na paida hogi khat-e-naskh se shan-e-adab-agin
na nastaliq harf is taur se zeb-e-raqam honge
khabar deti hai tahrik-e-hawa tabdil-e-mausam ki
khilenge aur hi gul zamzame bulbul ke kam honge
aqaed par qayamat aaegi tarmim-e-millat se
naya kaba banega maghribi putle sanam honge
bahut honge mughanni naghma-e-taqlid europe ke
magar bejod honge is liye be-tal-o-sam honge
hamari istelahon se zaban na-ashna hogi
lughat-e-maghribi bazar ki bhasha se zam honge
badal jaega meyar-e-sharafat chashm-e-duniya mein
ziyaada the jo apne zoam mein wo sab se kam honge
guzishta azmaton ke tazkire bhi rah na jaenge
kitabon hi mein dafn afsana-e-jah-o-hasham honge
kisi ko is taghayyur ka na his hoga na gham hoga
hue jis saz se paida usi ke zer-o-bam honge
tumhein is inqilab-e-dahr ka kya gham hai ai 'akbar'
bahut nazdik hain wo din ki tum hoge na hum honge

mis simin badan

By

ek mis simin badan se kar liya london mein aqd
is khata par sun raha hun tana-ha-e-dil-kharash
koi kahta hai ki bas us ne bigadi nasl-e-qaum
koi kahta hai ki ye hai bad-khisal-o-bad-maash
dil mein kuchh insaf karta hi nahin koi buzurg
ho ke ab majbur khud is raaz ko karta hun fash
hoti thi takid london jao angrezi padho
qaum-e-english se milo sikho wahi waza-e-tarash
jagmagate hotalon ka ja ke nazzara karo
soup o karri ke maze lo chhod kar yakhni o aash
leadiyon se mil ke dekho un ke andaz-o-tariq
hall mein nacho clab mein jake khelo un se tash
baada-e-tahzib-e-europe ke chadhao khum ke khum
asia ke shisha-e-taqwa ko kar do pash pash
jab amal is par kiya pariyon ka saya ho gaya
jis se tha dil ki hararat ko sarasar inteash
samne thin leadiyan zehara-wash o jadu-nazar
yan jawani ki umang aur un ko aashiq ki talash
us ki chitwan sehar-agin us ki baaten dil-ruba
chaal us ki fitna-khez us ki nigahen barq-pash
wo farogh-e-atish-e-rukh jis ke aage aaftab
is tarah jaise ki pesh-e-shama parwane ki lash
jab ye surat thi to mumkin tha ki ek barq-e-bala
dast-e-simin ko badhati aur main kahta dur-bash?
donon jaanib tha ragon mein josh-e-khun-e-fitna-za
dil hi tha aakhir nahin thi barf ki ye koi qash
bar bar aata hai 'akbar' mere dil mein ye khayal
hazrat-e-sayyad se jakar arz karta koi kash
'darmiyan-e-qar-e-dariya takhta-bandam-karda-i
baz-mi-goi ki daman-e-tar makun-hushyar-bash

madrasa ali-gaDh

By

khuda ali-gadh ke madrase ko tamam amraaz se shifa de
bhare hue hain rais-zade amir-zade sharif-zade
latif o khush-waza chust o chaalak o saf o pakiza shad-o-khurram
tabiaton mein hai in ki jaudat dilon mein in ke hain nek irade
kamal-e-mehnat se padh rahe hain kamal-e-ghairat se padh rahe hain
sawar mashriq rah mein hain to maghribi rah mein piyaade
har ek hai in mein ka be-shak aisa ki aap use chahte hain jaisa
dikhawe mahfil mein qadd-e-rana jo aap aaen to sar jhuka de
faqir mange to saf kah den ki tu hai mazbut ja kama kha
qubul farmaen aap dawat to apna sarmaya kul khila de
buton se in ko nahin lagawat mison ki lete nahin wo aahat
tamam quwwat hai sarf-e-khwandan nazar ke bhole hain dil ke sade
nazar bhi aae jo zulf-e-pechan to samjhen ye koi policy hai
electric light us ko samjhen jo barq-wash koi kude
nikalte hain kar ke ghol-bandi ba-nam-e-tahzib o dard-mandi
ye kah ke lete hain sab se chande jo tum hamein do tumhein khuda de
unhen isi baat par yaqin hai ki bas yahi asl kar-e-din hai
isi se hoga farogh-e-qaumi isi se chamkenge bap dade
makan-e-college ke sab makin hain abhi unhen tajrabe nahin hain
khabar nahin hai ki aage chal kar hai kaisi manzil hain kaise jade
dilon mein in ke hain nur-e-iman qawi nahin hai magar nigahban
hawa-e-mantiq ada-e-tifli ye shama aisa na ho bujha de
fareb de kar nikale matlab sikhae tahqir-e-din-o-mazhab
mita de aakhir ko din-o-mazhab numud-e-zati ko go badha de
yahi bas 'akbar' ki iltija hai janab bari mein ye dua hai
ulum o hikmat ka dars in ko professor den samajh khuda de

jalwa-e-darbar-e-dehli

By

sar mein shauq ka sauda dekha
dehli ko hum ne bhi ja dekha
jo kuchh dekha achchha dekha
kya batlaen kya kya dekha
jamuna-ji ke pat ko dekha
achchhe suthre ghat ko dekha
sab se unche lat ko dekha
hazrat 'dawid-connaught' ko dekha
paltan aur risale dekhe
gore dekhe kale dekhe
sanginen aur bhaale dekhe
band bajaane wale dekhe
khemon ka ek jangal dekha
us jangal mein mangal dekha
barahma aur warangal dekha
izzat khwahon ka danggal dekha
sadken thin har kamp se jari
pani tha har pump se jari
nur ki maujen lamp se jari
tezi thi har jump se jari
dali mein narangi dekhi
mahfil mein sarangi dekhi
bairangi barangi dekhi
dahr ki ranga-rangi dekhi
achchhe-achchhon ko bhatka dekha
bhid mein khate jhatka dekha
munh ko agarche latka dekha
dil darbar se atka dekha
hathi dekhe bhaari-bharkam
un ka chalna kam kam tham tham
zarrin jhulen nur ka aalam
milon tak wo cham-cham cham-cham
pur tha pahlu-e-masjid-e-jame
raushaniyan thin har-su lame
koi nahin tha kisi ka same
sab ke sab the did ke tame
surkhi sadak par kutti dekhi
sans bhi bhid mein ghutti dekhi
aatish-bazi chhutti dekhi
lutf ki daulat lutti dekhi
chauki ek chau-lakhkhi dekhi
khub hi chakkhi-pakhkhi dekhi
har-su neamat rakkhi dekhi
shahad aur dudh ki makkhi dekhi
ek ka hissa mann-o-salwa
ek ka hissa thoda halwa
ek ka hissa bhid aur balwa
mera hissa dur ka jalwa
awaj brish raja dekha
partaw takht-o-taj ka dekha
rang-e-zamana aaj ka dekha
rukh corzon mahraj ka dekha
pahunche phand ke sat samundar
tahat mein un ke bison bandar
hikmat-o-danish un ke andar
apni jagah har ek sikandar
auj-e-bakht-e-milati un ka
charkh-e-haft-tabaati un ka
mahfil un ki saqi un ka
aankhen meri baqi un ka
hum to un ke khair-talab hain
hum kya aise hi sab ke sab hain
un ke raj ke umda dhab hain
sab saman-e-aish-o-tarab hain
egzibshan ki shan anokhi
har shai umda har shai chokhi
aqlidas ki napi jokhi
man bhar sone ki lagat sokhi
jashn-e-azim is sal hua hai
shahi fort mein baal hua hai
raushan har ek hall hua hai
qissa-e-mazi haal hua hai
hai mashhur kucha-o-barzan
baal mein nachen lady-corzon
tair-e-hosh the sab ke larzan
rashk se dekh rahi thi har zan
baal mein chamkin aa ke yaka-yak
zarrin thi poshak jhka-jhak
mahw tha un ka auj-e-sama tak
charkh pe zohra un ki thi gahak
go raqqasa-e-auj-e-falak thi
us mein kahan ye nok-palak thi
indr ki mahfil ki jhalak thi
bazm-e-ishrat subh talak thi
ki hai ye bandish zehn-e-rasa ne
koi mane khwah na mane
sunte hain hum to ye afsane
jis ne dekha ho wo jaane

farzi latifa

By

khuda-hafiz musalmanon ka 'akbar'
mujhe to un ki khush-haali se hai yas
ye aashiq shahid-e-maqsud ke hain
na jaenge wa-lekin sai ke pas
sunaun tum ko ek farzi latifa
kiya hai jis ko main ne zeb-e-qirtas
kaha majnun se ye laila ki man ne
ki beta tu agar kar le ma pas
to fauran biyah dun laila ko tujh se
bila-diqqat main ban jaun teri sas
kaha majnun ne ye achchhi sunai
kuja aashiq kuja college ki bakwas
kuja ye fitrati josh-e-tabiat
kuja thunsi hui chizon ka ehsas
badi bi aap ko kya ho gaya hai
hiran pe ladi jati hai kahin ghas
ye achchhi qadr-dani aap ne ki
mujhe samjha hai koi harcharan-das
dil apna khun karne ko hun maujud
nahin manzur maghz-sar ka aamas
yahi thahri jo shart-e-wasl-e-laila
to istifa mera ba-hsarat-o-yas