phul jaisi hai kabhi ye Khaar ki manind hai

By

phul jaisi hai kabhi ye khar ki manind hai
zindagi sahra kabhi gulzar ki manind hai
tum qalam ki dhaar ko kam mat samajhna dosto
ye qalam to hai magar talwar ki manind hai
chaar din ke waste sab ko mili hai dahr mein
zindagi bhi ret ki diwar ki manind hai
pas paisa hai nahin phir bhi jahan mein mast hun
zindagi apni kisi fankar ki manind hai
zindagi kis waqt dhoka de de 'ambar' kya pata
ye bhi lagta hai kisi ghaddar ki manind hai

is se pahle ki kuchh bola jae

By

is se pahle ki kuchh bola jae
baat ko zehn mein tola jae
raaz phir raaz nahin rahta hai
raaz-e-dil sab se na khola jae
aib kitne hi dikhenge hum ko
apne man ko jo tatola jae
man ki parwaz bahut hai unchi
dur tak man ka hindola jae
rishte bante hain madhur tab 'ambar'
pyar ka rang jo ghola jae

gham-e-ulfat mein Dube the ubharna bhi zaruri tha

By

gham-e-ulfat mein dube the ubharna bhi zaruri tha
hamein rah-e-mohabbat se guzarna bhi zaruri tha
haqiqat samne aai bahut hairat hui mujh ko
tere chehre se parde ka utarna bhi zaruri tha
hamein manzil ko pana tha tabhi to rah-e-hasti mein
hamein pathrile raston se guzarna bhi zaruri tha
lutate hi rahe jo kuchh bhi apne pas tha yaro
ki khushbu ki tarah apna bikharna bhi zaruri tha
hamein wo bhul baithe hain unhen phir yaad kya karna
unhen rah-e-mohabbat mein bisarna bhi zaruri tha
hamari zindagi mein hadse hote rahe 'ambar'
unhen sahte hue apna nikharna bhi zaruri tha

dil ki har baat teri mujhko bata deti hai

By

dil ki har baat teri mujh ko bata deti hai
teri khamosh nazar mujh ko sada deti hai
dur rahna mujhe manzur nahin hai tujh se
zindagi sath tere mujh ko maza deti hai
apni kutiya ke andhere ko mitaun kaise
wo mere dip ko zulfon se hawa deti hai
teri ye hi to ada bhati hai jaanan mujh ko
jab nazar samne mere tu jhuka deti hai
ishq ka rog laga hai kai barson se mujhe
kis liye mujh ko ye phir duniya dawa deti hai

gham-e-ulfat mein Dube the ubharna bhi zaruri tha

By

gham-e-ulfat mein dube the ubharna bhi zaruri tha
hamein rah-e-mohabbat se guzarna bhi zaruri tha
haqiqat samne aai bahut hairat hui mujh ko
tere chehre se parde ka utarna bhi zaruri tha
hamein manzil ko pana tha tabhi to rah-e-hasti mein
hamein pathrile raston se guzarna bhi zaruri tha
lutate hi rahe jo kuchh bhi apne pas tha yaro
ki khushbu ki tarah apna bikharna bhi zaruri tha
hamein wo bhul baithe hain unhen phir yaad kya karna
unhen rah-e-mohabbat mein bisarna bhi zaruri tha
hamari zindagi mein hadse hote rahe 'ambar'
unhen sahte hue apna nikharna bhi zaruri tha