meri har baat pe be-baat KHafa hote ho

By

meri har baat pe be-baat khafa hote ho
jaane kya baat hai din-raat khafa hote ho
chup rahen waqt-e-mulaqat khafa hote ho
puchh len bhul se haalat khafa hote ho
baat ghairon se to hans hans ke kiya karte ho
hum se hote hi mulaqat khafa hote ho
dur hote ho to naraaz raha karte ho
pas rahte ho to din-raat khafa hote ho
jaanta hun ki tumhein pyar nahin hai mujh se
kya ba-majburi-e-haalat khafa hote ho

jaane phir tum se mulaqat kabhi ho ki na ho

By

jaane phir tum se mulaqat kabhi ho ki na ho
khul ke dukh dard ki kuchh baat kabhi ho ki na ho
phir hujum-e-gham-o-jazbaat kabhi ho ki na ho
tum se kahne ko koi baat kabhi ho ki na ho
aaj to ek hi kashti mein hain manjdhaar mein hum
phir ye majburi-e-haalat kabhi ho ki na ho
ahd-e-mazi ke fasane hi suna len tum ko
itni khamosh koi raat kabhi ho ki na ho
jo jalata hai mere gham ke andheron mein charagh
mere hathon mein wahi hat kabhi ho ki na ho

ghaTa sawan ki umDi aa rahi hai

By

ghata sawan ki umdi aa rahi hai
payam-e-ashk bhar bhar la rahi hai
ragon mein khun gardish kar raha hai
jawani saz-e-dil par ga rahi hai
rulata hai unhen bhi kya ye sawan
mujhe kali ghata tadpa rahi hai
tarannum-khez jamuna ke kinare
kisi ki yaad paiham aa rahi hai
ye aakhir kaun hai jo chup khada hai
nazar har bar dhoka kha rahi hai
hum apne dil ka dukhda ro rahe hain
tumhaari aankh jhapki ja rahi hai
tum apne dhyan mein dubi hui ho
tumhaari odhni lahra rahi hai
meri be-khwab aankhon ko mubarak
ki aakhir maut ki nind aa rahi hai

ghar mein rahte hue Dar lagta hai

By

ghar mein rahte hue dar lagta hai
ab bayaban hi ghar lagta hai
panw rakhta hun to dhansti hai zamin
sar uthata hun to sar lagta hai
qatl-o-ghaarat hai gali-kuchon mein
shahar dahshat ka nagar lagta hai
dagmagati hai dhamakon se zamin
aasman zer-o-zabar lagta hai
zindagi yun to guzar jaegi
kitna mushkil ye safar lagta hai
ghair to ghair hamein aaj ke din
apne ham-sae se dar lagta hai

ghaTa sawan ki umDi aa rahi hai

By

ghata sawan ki umdi aa rahi hai
payam-e-ashk bhar bhar la rahi hai
ragon mein khun gardish kar raha hai
jawani saz-e-dil par ga rahi hai
rulata hai unhen bhi kya ye sawan
mujhe kali ghata tadpa rahi hai
tarannum-khez jamuna ke kinare
kisi ki yaad paiham aa rahi hai
ye aakhir kaun hai jo chup khada hai
nazar har bar dhoka kha rahi hai
hum apne dil ka dukhda ro rahe hain
tumhaari aankh jhapki ja rahi hai
tum apne dhyan mein dubi hui ho
tumhaari odhni lahra rahi hai
meri be-khwab aankhon ko mubarak
ki aakhir maut ki nind aa rahi hai