yun sitamgar nahin hote jaanan

By

yun sitamgar nahin hote jaanan
phul patthar nahin hote jaanan
kyun mere dil se kahin jate ho
ghar se be-ghar nahin hote jaanan
wasl ki shab jo karam tum ne kiye
kyun mukarrar nahin hote jaanan
hum tumhein but ki tarah pujte hain
phir bhi kafar nahin hote jaanan
gham ke dipak nahin jalte jab tak
dil munawwar nahin hote jaanan
hum to rahte hain tumhaari had mein
had se bahar nahin hote jaanan
ek jaise hain khushi ke lamhe
dukh barabar nahin hote jaanan
is qadar khun na bahana dil ka
dil samundar nahin hote jaanan

uDe nahin hain uDae hue parinde hain

By

ude nahin hain udae hue parinde hain
hamein na chhed satae hue parinde hain
qafas mein qaid karo ya hamare par kato
tumhaare jal mein aae hue parinde hain
hawa chalegi to bachche udaenge un ko
ye kaghazon se banae hue parinde hain
jame hue hain ye shakhon pe is tarah jaise
shajar ke sath ugae hue parinde hain
falak pe jin ko sitare samajh rahe hain log
wo chandni mein nahae hue parinde hain
bulandiyan hain hamare mizaj mein shamil
bulandiyon se girae hue parinde hain
hamare pas hi aaenge laut kar 'baqi'
hamare jitne sadhae hue parinde hain

udas baam hai dar kaTne ko aata hai

By

udas baam hai dar katne ko aata hai
tere baghair ye ghar katne ko aata hai
khayal-e-mausam-e-gul bhi nahin sitamgar ko
bahaar mein bhi shajar katne ko aata hai
faqih-e-shahr se insaf kaun mangega
faqih-e-shahr to sar katne ko aata hai
isi liye to kisanon ne khet chhod diye
ki koi aur samar katne ko aata hai
tere khayal ka aahu kahin bhi din mein rahe
magar wo raat idhar katne ko aata hai
kaha to tha ki hamein is qadar bhi dhil na de
ab ud rahe hain to par katne ko aata hai
ye kaam karte the pahle sagan-e-awara
bashar ko aaj bashar katne ka aata hai
ye us ki rah nahin hai magar yunhi 'baqi'
wo mere sath safar katne ko aata hai