hum bayabanon mein ghume shahr ki saDkon pe Tahle

By

hum bayabanon mein ghume shahr ki sadkon pe tahle
dil kisi surat to sambhle dil kisi surat to bahle
zindagi ke raste mein do-ghadi ka sath hai ye
apne man ki main bhi kah lun apne man ki tu bhi kah le
goya zinda rahna bhi ek jurm tere shahr mein tha
hum har ek aahat pe larze hum har ek dhadkan pe dahle
ab to ta-hadd-e-nazar viraniyan phaili hui hain
ghar ka ye be-dar kharaba kitna tha aabaad pahle
waqt aisa aa gaya hai khamushi behtar hai 'munzir'
baat jo kahta hai sun le chot jo lagti hai sah le

hairan hai zamane mein kise apna kahe dil

By

hairan hai zamane mein kise apna kahe dil
chehre to hain gul-rang magar khot bhare dil
kis samt liye jata hai ye daur-e-taraqqi
dhaton ke hue jism to patthar ke bane dil
ghuncha hai to chatke wo sitara hai to chamke
betab hai sine mein dhadakne ke liye dil
viran-kada-e-dahr mein kya rakkha hai 'munzir'
kuchh dard ke afsane to kuchh tute hue dil

dam-ba-KHud hai chandni chup-chap hain ashjar bhi

By

dam-ba-khud hai chandni chup-chap hain ashjar bhi
aaj ki shab tham gai kyun waqt ki raftar bhi
zist ki naw na jaane kis kinare ja lage
malgaji si dhund hai is par bhi us par bhi
dil ki baaten kahne wale aur aahista zara
gosh-bar-awaz hai koi pas-e-diwar bhi
aansuon ka abr wo barsa ki sab kuchh bah gaya
hasraton ke shahr bhi zakhmon ke lala-zar bhi

achchhe kabhi bure hain haalat aadmi ke

By

achchhe kabhi bure hain haalat aadmi ke
pichhe lage hue hain din raat aadmi ke
rukhsat hue to jaana sab kaam the adhure
kya kya karen jahan mein do hat aadmi ke
mitti se wo utha hai mitti mein ja milega
udte phirenge ek din zarraat aadmi ke
ek aag hasraton ki sochon ka ek samundar
kya kya wabaal yarab hain sath aadmi ke
is daur-e-irtiqa mein 'munzir' qadam qadam par
pamal ho rahe hain jazbaat aadmi ke

dam-ba-KHud hai chandni chup-chap hain ashjar bhi

By

dam-ba-khud hai chandni chup-chap hain ashjar bhi
aaj ki shab tham gai kyun waqt ki raftar bhi
zist ki naw na jaane kis kinare ja lage
malgaji si dhund hai is par bhi us par bhi
dil ki baaten kahne wale aur aahista zara
gosh-bar-awaz hai koi pas-e-diwar bhi
aansuon ka abr wo barsa ki sab kuchh bah gaya
hasraton ke shahr bhi zakhmon ke lala-zar bhi