yar pahlu mein nihan tha mujhe malum na tha

By

yar pahlu mein nihan tha mujhe malum na tha
tar-e-gesu rag-e-jaan tha mujhe malum na tha
dil mein wo ghuncha wahan tha mujhe malum na tha
gul shagufa mein nihan tha mujhe malum na tha
wo hi nur-e-do-jahan tha mujhe malum na tha
wahi yan tha wahi wan tha mujhe malum na tha
dil mera kaba-e-jaan tha mujhe malum na tha
nala gulbang-e-azan tha mujhe malum na tha
aankh par dal diya dair-o-haram ka parda
wahi donon mein nihan tha mujhe malum na tha
sifat-e-nur-e-basarat wo mera parda-nashin
mere parde se ayan tha mujhe malum na tha
husn-e-surat ne diya jalwa-e-mani ka pata
but na tha sang-e-nishan tha mujhe malum na tha
jaanib-e-kaba-e-maqsud tan-e-zar mera
rawish-e-reg-e-rawan tha mujhe malum na tha
be-khabar padhne laga 'momin'-o-'ghaalib' ka kalam
kunj-e-khalwat mein 'bayan' tha mujhe malum na tha

sar-e-shorida pa-e-dasht-e-paima sham-e-hijran tha

By

sar-e-shorida pa-e-dasht-e-paima sham-e-hijran tha
kabhi ghar tha bayaban mein kabhi ghar mein bayaban tha
tere kushte ko mahshar khwab-e-asaish ka saman tha
ki sur afsana-go tha zalzala gahwara-jumban tha
jise sab nuh ke farzand kahte hain ki tufan tha
kisi jaan-dada-e-khamosh ka andoh-e-pinhan tha
bala se chur kar do chur kar do shisha-e-dil ko
isi mein qaid hasrat thi isi mein band arman tha
na kholi aankh waqt-e-naza bimar-e-mohabbat ne
kisi ka parda rakhna tha koi aankhon mein pinhan tha
akele ai buto hum bhi na soe kunj-e-marqad mein
jo is pahlu mein hasrat thi to us pahlu mein arman tha
gae the raundne dil ko liye baithe hain talwon ko
faro rag rag mein nashtar the nihan nas nas mein paikan tha
meri hasti ki mahshar mein koi tabir kya karta
kisi zulf-e-pareshan ka main ek khwab-e-pareshan tha
qayamat tak pas-az-murdan rahi ek tis si dil mein
wo kahte hain ki paikan tha main kahta hun ki arman tha
huzur-e-bulbul-e-kilk-e-'bayan' kis tarah khulte munh
ki bu-e-ghuncha san mahjub nutq-e-har-sukhan wan tha

lahu Tapka kisi ki aarzu se

By

lahu tapka kisi ki aarzu se
hamari aarzu tapki lahu se
ye hai kis ka soyam puchha adu se
ki dam hai nak mein phulon ki bu se
wo bachcha parwarish karti hai ulfat
jo paikan porwe ki tarah chuse
ye tutegi hawa-e-gul se waiz
meri tauba ko kya nisbat wuzu se
use kahte hain qumri tauq-e-ulfat
chhuri lipti hui hai yan gulo se
ye tasir-e-mohabbat hai ki tapka
hamara khun tumhaari guftugu se
wo hain kyun husn ke parda pe nazan
ye sikha hai hamari guftugu se
kiya hai daman-e-mahshar ko afshan
ude chhinte ye kis kis ke lahu se
suna hai jam tha jamshed ke pas
are saqi faqiron ke kadu se
wo sharmili nigahen kah rahi hain
hata do aks ko bhi ru-ba-ru se
lab-e-gul-rang par hai khal-e-mushkin
magas aur phul ki patti ko chuse
'bayan' khauf-e-gunah se mar chuke the
magar jaan aa gai la-taqnatu se

khula hai jalwa-e-pinhan se az-bas chaak wahshat ka

By

khula hai jalwa-e-pinhan se az-bas chaak wahshat ka
main darta hun kahin parda na phat jae haqiqat ka
kahan le jaega yarab samand-e-tund wahshat ka
ki pichhe rah gaya koson doraha nar-o-jannat ka
ghubar-e-rang-e-parran hai pharera teri rayat ka
shikast-e-qalb-e-ashiq ghalghala hai teri nusrat ka
kiya hai qasd kis ke kangur-e-aiwan-e-rifat ka
ki thama hai tere nale ne paya arsh-e-himmat ka
jhuka di qudsiyon ne be-takalluf gardan-e-taat
zahe-rutba kaf-e-khak-e-dar-e-wala-e-daulat ka
khule kis tarah parda parda-e-gosh-e-tahayyur par
ki be-saut-o-sada hai parda saz-e-bazm-e-wahdat ka
sanam taq-e-haram se dafatan niche utar aae
adab tha bas ki wajib dost ke qasid ke talat ka
hijab-e-tan kasad-e-raunaq-e-kala-e-yusuf hai
taraddud kya hai zindan-khana-e-hijran se hijrat ka
salatin ko nahin pata mizaj un ke faqiron ka
ki anqa-e-falak-parwaz hai qaf-e-qanaat ka
lab-e-asnam hain qand-e-sukhan se sar-ba-mohr ab tak
khamoshi se maza puchhe koi teri fasahat ka
maze milte hain kya kya ishq ke lazzat-shanason ko
hamein daman-e-zakhm-e-dil ewaz hai khwan-e-neamat ka
tere hairat-kade mein farsh hai aaina kya o but
ki khasan-e-dar-e-daulat ko hi khatka hai zillat ka
nigah be-his khat-e-saghar ki surat hai ki saqi ne
diya hai mardum-e-chashm-e-jahan ko jam hairat ka
talash-e-jalwa-e-mani mein takraya kiye sajde
na tuta dast-e-khushk-e-zohd se but-khana surat ka
qayamat-e-barhami dali to hijran ki ghadi guzri
zamin hai gard shisha aasman shisha hai saat ka
buton par lat mari mehr-o-mah se pher lin aankhen
'bayan' allah re ghamza mere husn-e-aqidat ka

aaenge gar unhen ghairat hogi

By

aaenge gar unhen ghairat hogi
wo na aae to qayamat hogi
hashr mein kaun sunega fariyaad
sadd-e-rah hadd-e-samaat hogi
nang-e-nazzara hai hum chashma-e-am
hum na dekhenge jo ruyat hogi
yak taraf ho ke rahenge yak-rang
hum ko aaraf se nafrat hogi
shikwa hai din-e-wafa mein ehdas
mujh se kahe ko ye bidat hogi
hain qayamat mein tammul kya kya
wasl ki kaun si saat hogi
reg hun chahiye dariya-e-sharab
mai-kade par na qanaat hogi
hai shab-e-wasl-e-do-alam gesu
wo jabin subh-e-shahadat hogi
bahr-e-rahmat hai do-alam ko muhit
mere mashrab ki si wusat hogi
mai se aaluda hua daman-e-husn
muttahim khun ki tohmat hogi
khinchta tha koi un ka daman
khak mein wasl ki hasrat hogi
ras hai chaara-e-bil-misl mujhe
qaid se aur bhi wahshat hogi
shoala-ru padhte hain kalima tera
shama angusht-e-shahadat hogi
ghair ki aag mein jalne na diya
husn ki si kise ghairat hogi
washuda ghuncha-e-khatir mat mang
muntashir bu-e-mohabbat hogi
zahr lagti hai unhen meri hayat
kyun ki manzur-e-shahadat hogi
kha gae nargis-e-shahla ka fareb
ki un aankhon mein murawwat hogi
teri zulfon ne chadhae chille
dil ki is kuche mein turbat hogi
ban gae sat jahannum tah-e-khak
kis ke pahlu mein ye hiddat hogi
kahin sar phod ke mar rahiye 'bayan'
ek jahan se to faraghat hogi