aaj maqtal mein KHabar hai ki charaghan hoga

By

aaj maqtal mein khabar hai ki charaghan hoga
gar ye sach hai to mere qatl ka saman hoga
aaj khelenge mere khun se holi sab log
kitna rangin har ek shakhs ka daman hoga
aaj wo phul chadhaenge meri turbat par
rashk-e-gulzar-e-jinan marqad-e-viran hoga
aaj mail-ba-tajalli hai jo laila-e-harim
qais be-chaara kahin sarf-e-bayaban hoga
aaj gar bazm-e-sukhan hai to chalo hum bhi chalen
sunne mein aaya hai 'betab' ghazal-khwan hoga