allah allah wasl ki shab is qadar eajaz hai

By

allah allah wasl ki shab is qadar eajaz hai
ek zara si chiz hai us par bhi itna naz hai
khair ho yarab ke husn-o-ishq ka aaghaz hai
is taraf dil hai udhar susari nigah-e-naz hai
jab bahaar aai mue pinjre chaman ko ud gaya
is musibat par bhi itni quwwat-e-parwaz hai
chhut gain nabzen hue lab band putli phir gain
aur wo mardud kahta hai ki ye dam-baz hai
ghair ne mujh ko sata kar jail ki khai hawa
ye na samjha tha ki us ka latth be-awaz hai
jab kaha us ne ki uth be-jhat main zinda ho gaya
baat ki to baat hai eajaz ka eajaz hai
tod kar badnam tum dil ko mere ho jaoge
is mein poshida mohabbat ka tumhaari raaz hai
ghair ko lae hain mere ghar wo mae bistare
bhed is mein bhi koi us mein bhi koi raaz hai
ishq mein paida nahin hota hai sasura inqalab
husn de jata hai dhoka husn dhoka-baz hai
ab koi din bhi budhapa thokaren khilwaega
husn hai chand roza jis pe tum ko naz hai
noch kar mere paron ko kar diya hai dand-mand
ab na qawwe hai na mujh mein taqat-e-parwaz hai
wasl ki shab chaar-dam chhalle bhi un ke sath hain
yani shokhi hai shararat hai haya hai naz hai
ghair ki kuchh haisiyat bhi aap ko malum hai
khud hai chaukidar baada us ka barfandaz hai
meri fariyaad-o-fughan sun kar harami ne kaha
ye usi ullu-ke-patthe 'bum' ki aawaz hai

jab KHizan aai chaman mein sab dagha dene lage

By

jab khizan aai chaman mein sab dagha dene lage
tinke uda ud kar nasheman ka pata dene lage
jab meri gustakhiyon ki wo saza dene lage
wasl ki shab lat-ghunsa bhi maza dene lage
manjh kar wo danton ko jab muskura dene lage
chhoti moti sainkadon bijli gira dene lage
qatl karne ke bajae ye saza dene lage
khod kar gaddha mujhe zinda daba dene lage
be-tahasha qabr par kisle baja dene lage
meri mitti ko thikane se laga dene lage
un ke ek thappad se jab main dam chura kar pad gaya
aise ghabrae ki daman se hawa dene lage
aap to manga karen the mere marne ki dua
ab laga marne to jine ki dua dene lage
kaisa aashiq aap to mujh ko samajhte hain quli
har jagah hathon mein mere bistara dene lage
ho gaya majbur main bhi aur dil-e-nakaam bhi
wasl ki shab jab khuda ka wasta dene lage
kam nahin hai torpedo se tere tir-e-nazar
chhed kar dil aag sine mein laga dene lage
mahramon se aap ke joban ka uqda khul gaya
aap ki uthti jawani ka pata dene lage
'bum' hona chahiye bazm-e-sukhan mein wo kalam
dost kya dushman sada-e-marhaba dene lage

is qadar baDh gai wahshat tere diwane ki

By

is qadar badh gai wahshat tere diwane ki
tod ke phenk din sab khuddiyan pakhane ki
kosta aise hai mardud hamesha mujh ko
kabhi mangi na dua ghair ke mar jaane ki
khinch raha hai wo shab-e-wasl ka naqsha-e-dil mein
yaad hai hum ko adaen tere sharmane ki
jab se us shokh ki zulfon ka liya hai bosa
badh gai aur bhi wahshat dil-e-diwane ki
shaikh sahab ne to puchha tha pata masjid ka
rah rindon ne bata di use maikhane ki
aa gai ab to jawani hua bachpan rukhsat
kya zarurat hai shab-e-wasl mein ghabrane ki
khalwat-e-yar mein rahne ko jagah mil jae
na to kaba ki zarurat hai na but-khane ki
dal-roti ka bada fikr tha ye bhi chhuta
ho gai jab ki ye aadat hamein gham khane ki
kam-sini mein na agar ghair se ja kar milte
hum kabhi dekhte surat na shifa-khane ki
jhuti sachchi ki nahin fikr khushi to ye hai
un ko aadat hai mere sar ki qasam khane ki
dil mein aata hai ki dushman ke lagaun jute
le gaya sala sleeper meri das-ane ki
munh kiya raat ko kala jo zabardasti se
kya zarurat thi tumhein ghair ke ghar jaane ki
apne marne ki khabar yar ne jhuti bheji
khub tadbir nikali mere mar jaane ki
jab ye dekha ki nahate hain wo nange ho kar
khidkiyan tod din sab main ne ghusul-khane ki
donon thandak mein pade rahte hain baham lete
yaad bhi hai wo tumhein baat baraf-khane ki
jab se aankhon pe pada aks tere jalwe ka
hui us rose se aadat mujhe chundhiyane ki
ek din wo tha ki wo ud ke chala karte the
ek din ye hai ki aadat hui katrane ki
us ke dar ka na miyan 'bum' ne pichha chhoda
int-se-int baja kar rahe tah-khane ki

agar dushman ki thoDi si marammat aur ho jati

By

agar dushman ki thodi si marammat aur ho jati
to phir ullu ke paththe ko nasihat aur ho jati
shab-e-wada main un ki kam-sini se dar gaya warna
zara si baat par nazil musibat aur ho jati
yahi achchha hua tu ne jo zulfon ko munda dala
nahin to tere diwanon ki haalat aur ho jati
agar tum nim-uryan hashr ke maidan mein aa jate
qayamat mein phir ek barpa qayamat aur ho jati
sharab-e-nab ki karta mazammat phir na bhule se
jo mai-khane mein waiz ki marammat aur ho jati
na un ki kam-sini se main saza pata adalat se
jo un ke aashnaon ki shahadat aur ho jati
laga karti hazaron aashiqon ko be-khata phansi
hasinon ki agar ghar ki adalat aur ho jati
khata peshab dushman ka hua ghar un ke pitne se
maza jab tha ki sale ko ijabat aur ho jati
hamein chaaron taraf se gher rakkha hai girani ne
mere allah ye duniya se ghaarat aur ho jati
agar bosa diya hai wasl ka wada bhi kar lije
inayat ki to thodi si inayat aur ho jati
agar dil ko bachata main na zulfon ke adange se
to duniya bhar se lambi sham-e-furqat aur ho jati
dua hai 'bum' ki yarab ye cotton-mils ki babat
taraqqi aur hoti zeb-o-zinat aur ho jati

is qadar baDh gai wahshat tere diwane ki

By

is qadar badh gai wahshat tere diwane ki
tod ke phenk din sab khuddiyan pakhane ki
kosta aise hai mardud hamesha mujh ko
kabhi mangi na dua ghair ke mar jaane ki
khinch raha hai wo shab-e-wasl ka naqsha-e-dil mein
yaad hai hum ko adaen tere sharmane ki
jab se us shokh ki zulfon ka liya hai bosa
badh gai aur bhi wahshat dil-e-diwane ki
shaikh sahab ne to puchha tha pata masjid ka
rah rindon ne bata di use maikhane ki
aa gai ab to jawani hua bachpan rukhsat
kya zarurat hai shab-e-wasl mein ghabrane ki
khalwat-e-yar mein rahne ko jagah mil jae
na to kaba ki zarurat hai na but-khane ki
dal-roti ka bada fikr tha ye bhi chhuta
ho gai jab ki ye aadat hamein gham khane ki
kam-sini mein na agar ghair se ja kar milte
hum kabhi dekhte surat na shifa-khane ki
jhuti sachchi ki nahin fikr khushi to ye hai
un ko aadat hai mere sar ki qasam khane ki
dil mein aata hai ki dushman ke lagaun jute
le gaya sala sleeper meri das-ane ki
munh kiya raat ko kala jo zabardasti se
kya zarurat thi tumhein ghair ke ghar jaane ki
apne marne ki khabar yar ne jhuti bheji
khub tadbir nikali mere mar jaane ki
jab ye dekha ki nahate hain wo nange ho kar
khidkiyan tod din sab main ne ghusul-khane ki
donon thandak mein pade rahte hain baham lete
yaad bhi hai wo tumhein baat baraf-khane ki
jab se aankhon pe pada aks tere jalwe ka
hui us rose se aadat mujhe chundhiyane ki
ek din wo tha ki wo ud ke chala karte the
ek din ye hai ki aadat hui katrane ki
us ke dar ka na miyan 'bum' ne pichha chhoda
int-se-int baja kar rahe tah-khane ki