tere mere ghar ki haalat bahar kuchh aur andar kuchh

By

tere mere ghar ki haalat bahar kuchh aur andar kuchh
jaise ho phulon ki rangat bahar kuchh aur andar kuchh
bahar bahar khamoshi hai andar andar hangama
kaisi hai ye jism ki hiddat bahar kuchh aur andar kuchh
lafz hai kuchh aur mani kuchh har misre mein fankar hai gham
aise waise sher ki lazzat bahar kuchh aur andar kuchh
kyun na aankh mein aansu aae kyun na dil ko chot lage
apne apne des ki haalat bahar kuchh aur andar kuchh
koi na shayad jaan sakega suraj ki matwali chaal
shahr mein kyun hai dhup ki shiddat bahar kuchh aur andar kuchh
gahri nazar walon mein 'akhtar' raushan hai pahchan alag
phir bhi kyun hai aap ki izzat bahar kuchh aur andar kuchh

koi markaz se alag hai koi mehwar se alag

By

koi markaz se alag hai koi mehwar se alag
aadmi khud ho gaya hai apne paikar se alag
kitne khanon mein bata hai ahd-e-nau ka aadmi
koi bahar se juda hai koi andar se alag
be-libasi ke siwa ab kuchh nazar aata nahin
is qadar hai jism khuddari ki chadar se alag
dagh-e-dil kashmir ka gujraat ka dil dardnak
hadisa koi kahan hai chhe december se alag
band thin almariyon mein chahaton ki filen
kis ne ki 'akhtar' ye dastawez daftar se alag

dil ka sara ghor andhera dur hua

By

dil ka sara ghor andhera dur hua
kis ka hai ye nur jo main pur-nur hua
zakhm risa phir zakhm-e-dil nasur hua
rafta rafta jaise bhagalpur hua
yun to hum ne qisse likkhe ranga-rang
lekin gham ka qissa hi mashhur hua
pani pani chikh raha tha pyasa dil
shahr-e-sitam ka kaisa ye dastur hua
kaisa mulk-shor bapa hai kheme mein
aankhen suni dil ka shisha chur hua
ab ke mausam sadiyon ka tahzibi rang
khatm hua barbaad hua kafur hua
shahr mein tere kis se gila phir karte hum
'akhtar' jab apna hi saya dur hua