ruton ke rang badalte hue bhi banjar hai

By

ruton ke rang badalte hue bhi banjar hai
wo ek khas ilaqa jo dil ke andar hai
ghadi ghadi meri aaankhon mein ud rahi hai dhul
sadi sadi ka meri rah mein samundar hai
bujha bujha hua rahta hun apne khwabon mein
dhuan dhuan sa mere jagne ka manzar hai
ajib khwab sa dekha ki pure dariya mein
koi jahaz kahin hai na koi langar hai
badan pe tut bikharne ko hai kahin na kahin
hiras-o-khauf ka saya jo mere sar par hai
main kis ki khoj mein yun hi bita raha hun janm
chhupa hua mere sae mein kis ka paikar hai
suna rahi hai hawa apne hi safar-name
ajib shor ghane jangalon ke andar hai

manzaron ki bhiD aisi to kabhi dekhi na thi

By

manzaron ki bhid aisi to kabhi dekhi na thi
ganw achchha tha magar us mein koi ladki na thi
ruh ke andar khala hai ye mujhe malum tha
khokhla hai jism bhi is ki khabar pahunchi na thi
hath thama hai sada ke waste waise magar
sath us ka chhodne mein kuchh burai bhi na thi
un dinon bhi dard ka saya mere ham-rah tha
jab dhuan ban kar wo mere zehn par chhai na thi
jazb ho jaane ka qissa khud se bhi mansub kar
bhul meri thi agar tu bhi koi dewi na thi
rang pakka ho chala tha yaad aata hai magar
dhup mere jism par tab thik se bhigi na thi
khwahishon ka wo jazira bhi to aakhir bah gaya
khauf-o-khatra ki jahan par koi aabaadi na thi

garche main ban ke hawa tez bahut tez uDa

By

garche main ban ke hawa tez bahut tez uda
wo bagula tha magar mere taaqub mein raha
mujh se kitnon ko usi din ki shikayat hogi
ek main hi nahin jis par ye kada waqt pada
aur tarik meri rahguzar ko kar de
tu magar apni tamanna ke sitare na bujha
ab to har waqt wahi itna rulata hai mujhe
jis ko jate hue main dekh ke ro bhi na saka
tum se chaha tha bahut tark-e-talluq kar lun
jaane kyun mujh se meri jaan kabhi aisa na hua
umr bhar yaad raha apni wafaon ki tarah
ek wo ahd jise aap ne pura na kiya
koi suraj to mile koi sahaara to bane
chand ka hath mere hath se phir chhut gaya

din ka libas-e-dard tha wo to pahan chuke

By

din ka libas-e-dard tha wo to pahan chuke
raat aai jaane kaun sa gham odhna pade
ab jald aa milo ki darakhton ke sath sath
kitne janam guzar chuka hun khade khade
aksar isi khayal ne mayus kar diya
shayad tamam umr yun hi katni pade
pure hue hain phul se ek jism ke huzur
arman kuchh aise bhi jo labon tak na aa sake
lamhon ke tar khinchta rahta tha raat din
ek shakhs le gaya meri sadiyan samet ke
jine ka shauq le ade taron se dur dur
mazbut hath maut ka dariya mein phenk de
hum ko azab-e-dahr se milti nahin najat
tum bhi bahisht-e-jism ko virana kar chale

garche main ban ke hawa tez bahut tez uDa

By

garche main ban ke hawa tez bahut tez uda
wo bagula tha magar mere taaqub mein raha
mujh se kitnon ko usi din ki shikayat hogi
ek main hi nahin jis par ye kada waqt pada
aur tarik meri rahguzar ko kar de
tu magar apni tamanna ke sitare na bujha
ab to har waqt wahi itna rulata hai mujhe
jis ko jate hue main dekh ke ro bhi na saka
tum se chaha tha bahut tark-e-talluq kar lun
jaane kyun mujh se meri jaan kabhi aisa na hua
umr bhar yaad raha apni wafaon ki tarah
ek wo ahd jise aap ne pura na kiya
koi suraj to mile koi sahaara to bane
chand ka hath mere hath se phir chhut gaya