naKHuda bhi nahin KHuda bhi nahin

By

nakhuda bhi nahin khuda bhi nahin
koi mera tere siwa bhi nahin
muddaa ghair muddaa bhi nahin
aur hasrat ka puchhna bhi nahin
kahish-e-gham harif-e-jaan hi sahi
gham na ho to yahan maza bhi nahin
shisha-e-dil to chor hai lekin
aasra hai ki tutta bhi nahin
husn ka aks hai hijab-e-nazar
phir junun ko to sujhta bhi nahin
bazm se un ki uth gaya khud main
koi pursan-e-haal tha bhi nahin
ishq mein pad ke lut gaya 'raazi'
un ko gham hai ki kuchh hua bhi nahin

kisi ke dast-e-inayat ka wo diya hun main

By

kisi ke dast-e-inayat ka wo diya hun main
jala diya hai kisi ne sulag raha hun main
dayar-e-lutf mein aisa shikasta-pa hun main
lipat ke kanton se roe wo aabla hun main
mujhe meri hi riayat ne kar diya mahrum
pakad pakad ke jo daman ko chhodta hun main
mujhi mein kaun khata hai ki jo kisi mein nahin
ek aadmi hun yahi bas na aur kya hun main
thake hue hain mere hausle kahan chal ke
zara sa ruk ke yahan sans le raha hun main
sanam-kadon ki na pad jae har jagah buniyaad
jigar ke tukde zamin par bikherta hun main
gaya to bhul gaya koi dard-e-zakhm ka haal
wo kashmakash hai ki gham se lipat raha hun main

bhaTak raha hun ki gir kar sambhal raha hun main

By

bhatak raha hun ki gir kar sambhal raha hun main
kisi tarah se to raste pe chal raha hun main
nawazishat ki had se nikal raha hun main
hata le hath ki karwat badal raha hun main
junun mein aql ki saudagari bhi ki main ne
nigah-e-naz se duniya badal raha hun main
hawa-e-gham se ghira hai charagh hasti ka
sambhaalna ki tere pas jal raha hun main
kisi bhi sanche mein qismat na dhal saki ab tak
hazar soz-e-tapish se pighal raha hun main
wo aa chale wo abhi aae dekh lo 'raazi'
zara si der hai ruk jao chal raha hun main

ab tak to sare gham se mere be-KHabar mile

By

ab tak to sare gham se mere be-khabar mile
batlaun haal-e-dil jo koi chaaragar mile
lamhe husul-e-shauq ke bas is qadar mile
bhatke hue ko rah mein jaise khizar mile
un ke baghair kar na sake zindagi ba-khair
ranj-o-alam ke sath to hum umr-bhar mile
dil tha kahin laga kahin aankhen bichhi huin
ye sare ehtimam teri rah par mile
karna hai taza phir mujhe afsana tur ka
ai kash meri un ki kahin par nazar mile
guzre hain aql-o-hosh-o-khirad ki hudud se
hum hon kahin to tum ko hamari khabar mile
'raazi' jhuke the husn-e-chaman par ki ek din
shiraaze gul ke bikhre hue khak par mile

bhaTak raha hun ki gir kar sambhal raha hun main

By

bhatak raha hun ki gir kar sambhal raha hun main
kisi tarah se to raste pe chal raha hun main
nawazishat ki had se nikal raha hun main
hata le hath ki karwat badal raha hun main
junun mein aql ki saudagari bhi ki main ne
nigah-e-naz se duniya badal raha hun main
hawa-e-gham se ghira hai charagh hasti ka
sambhaalna ki tere pas jal raha hun main
kisi bhi sanche mein qismat na dhal saki ab tak
hazar soz-e-tapish se pighal raha hun main
wo aa chale wo abhi aae dekh lo 'raazi'
zara si der hai ruk jao chal raha hun main