nili qindil

By

hamara rujhan yaqinan harami-an tak ja chuka hai
hamare saron par khauf musallat ho raha hai
kya hum junun ki had jagte hue jazbaat nahin bak rahe
waqai hamari bedari
ek sochi-samjhi sazish hai
hum ne junun ki had tak ishq kiya
hum ne junun ki had tak mubasharat ka lutf liya
ab hamein hamara hi kal jhinjhod raha hai
use kaise alag karen
be-fikr be-khauf kutte haddiyon par ladte hue
ab hamari taraf lapak rahe hain
us ke munh se girta hua safed jhag
zamin ko tari pahuncha chuka
aur isi tar hoti zamin se ek nazuk pauda
ug kar
bahut sare pighalte hue sawalon
ke jawab
na-qabil-e-yaqin sachchai ke dosh par
ptriyon ke hare hare patton
ki khamosh chhanw mein phisalte jaenge

lahu ka zaiqa

By

sab jhut bolte hain
main jab man ke pet mein tha tab bhi jhut nahin bolta tha
main ne man ke pet mein
taza taza garm surkh khun piya tha
paidaish ke baad safed gadha thanda khun mujhe mila
jab se main musalsal khun pi raha hun
main ne bachpan se ladakpan tak
ladakpan se jawani tak
bar-ha is khun ka zaiqa chakha hai
main is ke baghair zinda nahin rah sakta
is ke marne se
mera tamam jism aashna hai
aksar jab mere jism par koi zakhm lagta hai to
be-sakhta zaban is taraf lapakti hai
aur mujhe
wahi zaiqa yaad aane lagta hai
jo main ne pahli bar
man ke pet mein chakha tha

aablon ki kirchen

By

bahut dinon ke baad
is shahr mein bhatka hua
bundh bundh banta hua
mazbuti se pakde hue muzmahil zakhm-aluda aablon ko
chala raha tha apne kandhon par lade apne nange sar ko
magar raste ke wahshi hangamon ne mujhe tod dala
bhagne ke sare raste band
khun ka dabao badhne laga
tab mere hath se wo gathri gir padi
jise main ne bahut sambhaal kar rakha tha
aur mere panw mein kirchen chubh gain