tarik zindagi ko banane laga hai wo

By

tarik zindagi ko banane laga hai wo
suraj se raushni ko churane laga hai wo
likh likh ke mere nam aziyyat ke dasht-o-dar
jagir mere gham ki badhane laga hai wo
ehsas ki salib liye chal raha hun main
dasht-e-junun mein shor machane laga hai wo
mujh se hi le ke mere saliqe ki raushni
tahzib ki zaban sikhane laga hai wo
takhliq-e-kaenat ka gar main sabab raha
phir kyun mera waqar ghatane laga hai wo
parwardigar meri shahadat qubul kar
talwar le ke samne aane laga hai wo
'khalid' main us ke hath ki tahrir tha magar
harf-e-ghalat samajh ke mitane laga hai wo

mujhe dariya ki maujon se bacha le jaega koi

By

mujhe dariya ki maujon se bacha le jaega koi
main aisi bund hun jis ko chura le jaega koi
bujha kar taq mein rakh dega ye dast-e-sahar mujh ko
magar jab sham aaegi jala le jaega koi
yahi kuchh soch kar apni haweli chhod aaya tha
agar main ruth jaunga mana le jaega koi
raison ki ye basti hai khade hain rah mein sail
kahega hath mein sikka dua le jaega koi
mujhe achchha nahin lagta kisi se mang kar padhna
kitaben main kharidunga utha le jaega koi
chura lai hai phulon se mujhe baad-e-saba 'khalid'
main khushbu hun mujhe apna bana le jaega koi

apni na-karda-gunahi ka sila bhi rakh le

By

apni na-karda-gunahi ka sila bhi rakh le
dil ke khane mein zara khauf-e-khuda bhi rakh le
tujh ko le jaegi sannate mein ek roz hayat
apne kanon ke liye sang-e-sada bhi rakh le
bujh na jae kahin ehsas ke shoalon ka mizaj
munjamid waqt hai thodi si hawa bhi rakh le
fasla aur badha degi ana ki dahliz
darmiyan zina-e-ikhlas-e-wafa bhi rakh le
zindagi dasht-e-tilismat ki jaanib hai rawan
kuchh to hamrah buzurgon ki dua bhi rakh le
roz ka milna giran-bar-e-talluq na bane
be-sabab us se kabhi khud ko juda bhi rakh le

mujhe dariya ki maujon se bacha le jaega koi

By

mujhe dariya ki maujon se bacha le jaega koi
main aisi bund hun jis ko chura le jaega koi
bujha kar taq mein rakh dega ye dast-e-sahar mujh ko
magar jab sham aaegi jala le jaega koi
yahi kuchh soch kar apni haweli chhod aaya tha
agar main ruth jaunga mana le jaega koi
raison ki ye basti hai khade hain rah mein sail
kahega hath mein sikka dua le jaega koi
mujhe achchha nahin lagta kisi se mang kar padhna
kitaben main kharidunga utha le jaega koi
chura lai hai phulon se mujhe baad-e-saba 'khalid'
main khushbu hun mujhe apna bana le jaega koi