dil ka khoj na paya hargiz dekha khol jo qabron ko

By

dil ka khoj na paya hargiz dekha khol jo qabron ko
jite ji dhunde so pawe khabar karo be-khabron ko
toshak baala posh razai hai bhule majnun barson tak
jab dikhlawe zulf sajan ki ban mein aawte abron ko
kafir nafas har ek ka tarsa zar kun paya bakhton sin
aatish ki puja mein guzri umr tamam un gabron ko
mard jo aajiz ho tan man sin kahe khush-amad bawar kar
mohtaji ka khasa hai rubah kare hai babron ko
wada chuk phir aaya 'naji' dars ki khatir phadke mat
chhut gale tere ai zalim sabr kahan be-sabron ko

mah-ruKHan ki jo mehrbani hai

By

mah-rukhan ki jo mehrbani hai
ye madad mujh pe aasmani hai
rashk sin us ke saf chehre ke
chashm par aaine ki pani hai
dam mein bul-hawas ke aaya nain
kyun ki ye baz aashyani hai
charb hai shama par jamal us ka
shama ki raushni zabani hai
us ke rukhsar dekh jita hun
aarzi meri zindagani hai
sirf surat ka band nain 'naji'
aashiq-e-sahab-e-maani hai

ai saba kah bahaar ki baaten

By

ai saba kah bahaar ki baaten
is but-e-gul-ezar ki baaten
kis pe chhode nigah ka shahbaz
kya kare hai shikar ki baaten
mehrbani sin ya hon ghusse sin
pyari lagti hain yar ki baaten
chhodte kab hain naqd-e-dil kun sanam
jab ye karte hain pyar ki baaten
puchhiye kuchh kahen hain kuchh 'naji'
aa padin rozgar ki baaten