nazm

By

wo jawani ke nashe mein ladkhadati dolti jati hasina
main hun ek pazhmurda-o-pamal sa
darmandagi ke qahr ka mara hua behis musafir
jis ki nazron mein faqat us ke taaqub ki sakat baqi bachi hai
phir bhi mere jism ke ek zinda aur jawed hisse mein
ye dhadakne ki sada
un ki shaki hai
jo kahte hain ki mera jism khaki hai

mera pasandida manzar

By

mujhe un wadiyon mein sair ki khwahish nahin baqi
mujhe un baadalon se raaz ki baaten nahin karni
mujhe un dhund ki chadar mein ab lipte nahin rahna
mujhe us aalam-e-yakh-bastagi se kuchh nahin kahna
mujhe mauhum lafzon ka shanasai nahin banna
mujhe is kar-e-pur-asrar ka dai nahin banna
main khwabon ke darichon mein khada rahne se qasir hun
main zinda zindagi ki saaton ka ek shair hun
mujhe ek lahlahate jhulte paikar ki khwahish hai
mujhe in manzaron mein aise ek manzar ki khwahish hai