fariyaad (fariyaadi aashna hai)

By

kahan ho 'ghaalibo' 'miro' 'naziro'
kahan ho meri zulfon ke asiro
meri sahba ke paimano, kahan ho
kahan ho mere diwano kahan ho
kahan ho aalimo masnad-nashino
mere khwan-e-ata ke reza-chino
sila kuchh to wafa ka do kahan ho
kahan ho mere shahzado kahan ho
kahan ho ai mere dar ke gadao
kam-az-kam apni surat to dikhao
ki mein lachaar ho kar rah gai hun
bahut bimar ho kar rah gai hun
kahan ho ai qalam-karo, jiyalo
mujhe kursi-nashinon se bacha lo
ye mujh se dur hote ja rahe hain
bahut maghrur hote ja rahe hain
meri roti pe hota hai guzara
magar chhoda hai mujh ko be-sahaara
sila apni wafa ka pa chuki hun
mein un ke ghar se randi ja chuki hun
haqiqat hai ki mein us ki amin hun
ye ghar mera hai lekin main nahin hun
mere hi nam se ohda mila hai
mere sadqe mein in ka tantana hai
magar ye mujh ko khate ja rahe hain
meri hasti mitate ja rahe hain
suhagan thi abhagan ho gai hun
mein dar dar ki bhikaran ho gai hun

hum apni fikr ka chehra badal ke dekhte hain

By

hum apni fikr ka chehra badal ke dekhte hain
tilism khwab se bahar nikal ke dekhte hain
suna ye hai ki bahut tez gam ho tum log
tumhaare sath zara hum bhi chal ke dekhte hain
utha ke chand sitaron ko sar pe dekh chuke
hum apne mathe pe ab khak mal ke dekhte hain
zara pata to chale husn-e-ahd-e-nau kya hai
nai nigah ke sanche mein dhal ke dekhte hain
nai hayat ki taswir dekhne wale
had-e-nigah se aage nikal ke dekhte hain
ye kaise dost hain puchhe to koi un se zara
sambhaalte nahin lekin sambhal ke dekhte hain
yahan wahan to bahut jal chuke miyan 'qaisar'
ab apne dil ki samadhi pe jal ke dekhte hain

aarzu nakaam ho kar rah gai hai

By

aarzu nakaam ho kar rah gai hai
zindagi ilzam ho kar rah gai hai
khwab tabiron ke mani puchhte hain
nind be-anjam ho kar rah gai hai
yaad bhi qatil ki hai shamshir qatil
raat khun-asham ho kar gai hai
waqt ne dastar ki surat badal di
ab to ye ehram ho kar rah gai hai
zahr mein dubi hui ek muskurahat
maut ka paigham ho kar rah gai hai
nachti hain dhan ke kheton mein pariyan
ye ghata inam ho kar rah gai hai
guftugu-e-dil ba-unwan-e-mohabbat
sar-ba-sar ilzam ho kar rah gai hai
gardish jam-o-subu ko kya hua hai
gardish-e-ayyam ho kar rah gai hai

aao hum tum ishq ke izhaar ki baaten karen

By

aao hum tum ishq ke izhaar ki baaten karen
dal kar banhon mein bahen pyar ki baaten karen
phul ki baaten karen gulzar ki baaten karen
pyar ki baaten karen bas pyar ki baaten karen
baat hum donon ko ye to sochni hi chahiye
pyar ke mausam mein kyun takrar ki baaten karen
is se achchhi baat koi aur ho sakti nahin
yar ka afsana chheden yar ki baaten karen
kash bachpan lut aae aur hum sab baith kar
kachchi mitti ke dar-o-diwar ki baaten karen
shukriya bazariyat ki raushni ka shukriya
ganw ki pagdandiyan bazar ki baaten karen
kaba-o-kashi ke qisse ho chuke ab bas karo
aao 'qaisar' naqsh-e-pa-e-yar ki baaten karen

aarzu nakaam ho kar rah gai hai

By

aarzu nakaam ho kar rah gai hai
zindagi ilzam ho kar rah gai hai
khwab tabiron ke mani puchhte hain
nind be-anjam ho kar rah gai hai
yaad bhi qatil ki hai shamshir qatil
raat khun-asham ho kar gai hai
waqt ne dastar ki surat badal di
ab to ye ehram ho kar rah gai hai
zahr mein dubi hui ek muskurahat
maut ka paigham ho kar rah gai hai
nachti hain dhan ke kheton mein pariyan
ye ghata inam ho kar rah gai hai
guftugu-e-dil ba-unwan-e-mohabbat
sar-ba-sar ilzam ho kar rah gai hai
gardish jam-o-subu ko kya hua hai
gardish-e-ayyam ho kar rah gai hai