dariya-e-aftab ki tughyaniyat na dekh

By

dariya-e-aftab ki tughyaniyat na dekh
apna wajud aap pas-e-afiyat na dekh
aankhen siyah nuqton se aage na badh sakin
aaina-e-khayal ki masrufiyat na dekh
ye dekh ab sawal-e-baqa-e-yaqin hai
tute hue guman ki masumiyat na dekh
aadab-e-har-shikasta-labi ka lihaz rakh
har baat mein nazakat-e-guftariyat na dekh
jamte hue ghubar ka saya na sar pe rakh
ai 'qaus' udti gard ki diwariyat na dekh