apne qasid ko saba bandhte hain

By

apne qasid ko saba bandhte hain
sach hai shaer bhi hawa bandhte hain
phir sar-e-dast mera khun hoga
phir wo hathon mein hina bandhte hain
gathri phulon ki wo ho jati hai
jin mein wo apni qaba bandhte hain
aji dekhen dil-e-ashiq to nahin
aap aanchal mein ye kya bandhte hain
ai 'sakhi' aaj to kuchh khair nahin
wo kamar ho ke khafa bandhte hain

bahaar aa kar jo gulshan mein wo gaen

By

bahaar aa kar jo gulshan mein wo gaen
to ghuncha har taraf chutki bajaen
ye tum ko dekh kar gul phul jaen
ki jame mein na phir phule samaen
mile rasta to su-e-charkh jaen
kahan tak is zamin par khak udaen
misal-e-shama us par lau lagaen
sahar tak sham se aansu bahaen
mere marne se ye andher ka sog
kaho missi malen surma lagaen
chaman mein us se ham-chashmi ye dida
teri aankhen na nargis phut jaen
khuda ke pas kya jaenge zahid
gunah-garon se jab ye bar paen
taraddud phul ka kis waste hai
meri turbat pe wo tewri chadhaen
mere lashe ko kandha de ke bole
chalo turbat mein ab tum ko sulaen
'sakhi' rote hi rote dam nikal jae
faraghat ho kahin ganga nahaen

zulf-e-shab-rang jo banai hai

By

zulf-e-shab-rang jo banai hai
un dinon shane ki ban aai hai
haif sabit hai jeb ne daman
aur junun mein bahaar aai hai
kahe parwana shama-ru tujh ko
us ki aankhon mein charbi chhai hai
meri un ki bigad hone se
khub aghyar ki ban aai hai
pani mangega kya dahan-e-zakhm
tegh ek aab-dar kahani hai
kalima un buton ne padhwaya
khub-rui hai ya khudai hai
hama-tan ho gae hain aaina
khud-numai si khud-numai hai
yar se ho bhala raqibon ka
ai 'sakhi' bas yahi burai hai