ye zulm hai KHayal se ojhal na kar use

By

ye zulm hai khayal se ojhal na kar use
jo hasil-e-safar hai moattal na kar use
wo shoala-e-sawal ki duniya ujal de
dil ke charagh mein to muqaffal na kar use
har shelf par saje hain magar dushmanon ke sar
nadan tera dimagh hai maqtal na kar use
hairat teri sarisht hai na-ras teri nigah
wo uqda-e-jamal abhi hal na kar use
ye aur baat ek sitare se jang hai
bas jang hai gihad-e-musalsal na kar use

wo KHush-KHiram ki burj-e-zawal mein na mila

By

wo khush-khiram ki burj-e-zawal mein na mila
mujhe sukun sitare ki chaal mein na mila
majal de ke mujhe khamushi wabaal hui
mera jawab wida-e-sawal mein na mila
wo na-shanas raha fakhera libason mein
agar mila to mohabbat ki shaal mein na mila
nazar mile to use dekh be yaqini se
jise qayam shab-e-ehtimal mein na mila
wo be-hijab meri yaad se hijab kare
ajib kya hai ki ab tak khayal mein na mila
mera mizaj kisi ke mizaj se na mile
mera kamal kisi ke kamal mein na mila
safar mein rakh mujhe meri judaiyon se parakh
firaq de abhi khak-e-visal mein na mila

main phir se ho jaunga tanha ek din

By

main phir se ho jaunga tanha ek din
bain karega ruh ka sannata ek din
jin mein abhi ek wahshi aag ke sae hain
wo aankhen ho jaengi sahra ek din
bit chuka hoga ye khwabon ka mausam
band milega nind ka darwaza ek din
mit jaega sehr tumhaari aankhon ka
apne pas bula legi duniya ek din
dub raha hun jhut aur khot ke dariya mein
jaane kahan le jae ye dariya ek din
main bhi lut aaunga apne taaqub se
tum bhi mujh ko dhundh ke thak jaana ek din

hamari tabahi mein kuchh us ka ehsan bhi hai

By

hamari tabahi mein kuchh us ka ehsan bhi hai
jo dard in dinon wajh aaraish-e-jaan bhi hai
yahi fasl kaliyan jhulasti hain jis fasl mein
suna hai naya nam is ka bahaaran bhi hai
bikhera gaya hai lahu un ke eazaz mein
bahaaron mein khushbu-e-khun-e-shahidan bhi hai
un aankhon ki taqdir ab ashk-rezi hui
aur ashkon ki taqdir mein rang-e-marjaan bhi hai
agar raat kat jae to khush-nasibi kaho
fazaon mein andesha-e-baad-o-baran bhi hai

chhup ke milne aa jae raushni ki jurat kya

By

chhup ke milne aa jae raushni ki jurat kya
ruh ke andhere mein chand ki zarurat kya
tu meri mohabbat ke qatl mein mulawwis hai
aur mujhi se kahta hai khun ki shahadat kya
kaun meri aankhon ke band tod deta hai
dil ke qaid-khane mein qaid hai qayamat kya
ek dusre ko hum bhul jaenge ek din
itni be-qarari kyun is qadar bhi ujlat kya
raat se bichhadne ke khwab dekh rakkhe hain
subh raste mein hai khwab ki hifazat kya
ek waqt aata hai munsifi nahin milti
jhut ki wakalat kya khauf ki adalat kya
zulm sahne walon ka sabr khatm hota hai
sirf ek dhamki hai phailti hai dahshat kya

zinda pani sachcha

By

pul ke niche jhank ke dekho aaj nadi tufani hai
biphri lahren jhag udati hain kya zinda pani hai
aur bhanwar pul ke be-rang sutunon se takraate hain
jin par bojh hai us pul ka wo shane tute jate hain
wo ek kubda ped nadi par yun jhuk aaya hai jaise
ek kinara hath badha kar dusre se milna chahe
dur ek medak chikh raha hai, khatron se aazad hun main
is se badh kar ghaarat-gar tufan nazar se guzre hain
ek pani ka sanp na jaane kab se us ki tak mein hai
wo bhi jaanta hai ye raaz ki milna aakhir khak mein hai
ek qamis chali aati hai jaane kahan se bahti hui
jis mein nakhun gad diye hain ab ek aabi jhadi ne
is ka malik bichhad gaya hai ye bhi us ke pas chali
ek bahte darwaze par ek bhigi billi baithi hai
jo aane wale lamhon ki babat sochti jati hai
sochte sochte us ki aankhen ho jaengi sehr-zada
aur us ke baalon ka resham pani mein mil jaega
lahar ki ek diwar giri aur bulbule dab kar tut gae
jin ki phutti aankhon se kuchh khwab nikal kar bhag chale
ye khwabon ke dekhne wale aakhir kyun nahin sochte hain
sab afsane jhute hain, sab khwab bikharne wale hain
is la-fani jhut ke pichhe sach hai agar to itna hai
ye sab kuchh hota rahta hai pani bahta rahta hai