kaise kah dun ki mera hasil-e-duniya kya hai

By

kaise kah dun ki mera hasil-e-duniya kya hai
samne tu hai to phir arz-e-tamanna kya hai
tere qadmon ke nishan us pe ye sajdon ke nishan
tu nahin hai to ye sahra mein jhamela kya hai
bas tere nam se mahfil mein bapa tha mahshar
tere hote hue dekhen bhi ki hota kya hai
hath mein phul hain par raaz-e-jafa kis ko pata
aastin mein mere hamdam ne chhupaya kya hai
mera dil saz-e-mohabbat ke siwa kuchh bhi nahin
tum zara chhed ke dekho yahan hota kya hai
gham to bahta hai nigahon se nami ki surat
gar ye aansu hai to phir aankh mein thahra kya hai
tere inkar pe is dil ko bharosa hi nahin
tu mujhe chhu ke bata dil ka irada kya hai
mujh se ranjish hi liye phirte hain duniya wale
main ne suraj se nigahon ko milaya kya hai
teri mahfil mein utha shor-e-qayamat kyun hai
aaj 'sarwar' ne sar-e-bazm sunaya kya hai

kahin tere dil ke jaisa mera dil badal na jae

By

kahin tere dil ke jaisa mera dil badal na jae
mera ghar jalane wale tera ghar bhi jal na jae
teri baat gar chali to ye zaban phisal na jae
tera rup dekhne ko mera dil machal na jae
mere ishq ki tapish se teri shama jal na jae
mera dil jalane wale kahin tu pighal na jae
tu nazar se apni saqi use ek jam de de
tera rind girte girte kahin phir sambhal na jae
tere jam mein to saqi tera rup dikh raha hai
tera rind girte girte kahin phir sambhal na jae
koi rang dekhta hun tera rang sochta hun
tere rang sa rangila koi daur chal na jae
teri zulf aaj ud kar tere rukh pe chha gai hai
kahin sham se bhi pahle yahan sham dhal na jae

ishq har rag se meri jism ke bahar chamke

By

ishq har rag se meri jism ke bahar chamke
nau baras burj-e-khalifa pe jo chha kar chamke
ishq ki lau se to pahle dil-e-azar chamke
phir mohabbat se tarashe hue patthar chamke
koi suraj teri zulfon ke tale sanjh kare
aur koi sham tere rukh se barabar chamke
jaane kitne tere qadmon mein sawali aae
jaane kitne tere chehre se muqaddar chamke
teri rahon pe jo tariki mein guzre koi
mishal-e-rah har ek zarra ubhar kar chamke
aaj peshani ne phir sajda kiya hai un ko
chand se kah do zara soch-samajh kar chamke

har pal main taDap kar dam-e-aKHir hua jata hun

By

har pal main tadap kar dam-e-akhir hua jata hun
aashiq tha main poshida zahir hua jata hun
is umr-e-jahaalat mein dil khana-kaba tha
ab ilm-o-hunar pa kar kafir hua jata hun
ye kaise bhala kah dun bakhsha nahin kuchh us ne
har sans pe main us ka shakir hua jata hun
ek bar kiya main ne bas pyar anadi sa
han pyar ko likh likh kar mahir hua jata hun

ek patthar hai jo bas zid pe aDa lagta hai

By

ek patthar hai jo bas zid pe ada lagta hai
jo khuda hai wo bahar-kaif khuda lagta hai
us ke daman pe lahu ke hain hazaron chhinten
aaj wo shakhs bahut shokh-qaba lagta hai
jab khumar us ka chadha hai to karen kya nazren
ab dhuan bhi mujhe sawan ki ghata lagta hai
husn to hai hi faqat dekhne ki chiz magar
koi bhi dekhe use mujh ko bura lagta hai
main ne bhi khushk kiya aankh mein pani kitna
ek tu hi nahin sawan ki ghata lagta hai
jab se socha hai ki ab jod lun dil ko tujh se
mujh ko har shakhs faqat tujh se juda lagta hai
main bhala chup rahun sachchai pe mumkin hi nahin
bolta hun to zamane ko bura lagta hai
ek surat hai nigahon mein basae 'sarwar'
ek jalwa hai jo bas naqsh-e-kaf-e-pa lagta hai

daur badlegi tumhaari kuhna-mashqi ek din

By

daur badlegi tumhaari kuhna-mashqi ek din
sang ko almas kar sakti hai hasti ek din
gasht kar le tu ragon mein ai mere josh-e-junun
mund pad jaegi mauj-e-bahr-e-hasti ek din
hashr mein mahfil sajegi rind honge tishna-lab
gardish-e-ayyam ki hogi sadi bhi ek din
aaj duniya ki bulandi par teri parwaz hai
yaad rakhna waqt ki aaegi aandhi ek din