pahle hua jo karte the hum wo nahin rahe

By

pahle hua jo karte the hum wo nahin rahe
dekho shab-e-firaq hai aur ro nahin rahe
aisi bhi ro rahe hain unhen jo nahin rahe
pahle se moajize to kahin ho nahin rahe
yaro dikhao phir koi aisa hunar ki bas
ghairon ki koi fikr hi hum ko nahin rahe
ashaar se ayan hain to ashaar mat padho
hum dil ke dagh tum ko dikha to nahin rahe
tadbir bhi hai jaan bhi hai maslahat bhi hai
rahna na tha bas ek hamein so nahin rahe
hum ghair aur wo sabhi apni jagah pe hain
bas yun kaho miyan ki ghazal-go nahin rahe

maine sirf apne nasheman ko sajaya sal bhar

By

main ne sirf apne nasheman ko sajaya sal bhar
fasl-e-gul bhi is liye aai hai ab ke dal bhar
bad-gumani aai to le jaegi rishte tamam
dekhna niklegi in shishon ki hasti baal bhar
wo zamana thik tha iman lane ke liye
haidar-e-karrar bhar khair aur shar dajjal bhar
aaj meri arz par zulfen agar kholega wo
kal hasad ki aag mein jal jaega bangal bhar
kar diya chaak-e-gareban ne tujhe bhi mo'atabar
chal diwane tu bhi ab jeb-e-junun mein mal bhar
sajda bhar iman baqi rah gaya hai shaikh ka
aur aqidat-e-barahman ki rah gai hai thaal bhar
nek-o-bad ki kashmakash mein hain kiraman-katibin
chal 'shuja' ab khud hi apna nama-e-amal bhar

is tarah pahunchega kaise paya-e-takmil ko

By

is tarah pahunchega kaise paya-e-takmil ko
aakhiri kahta hai kyun tabut ki har kil ko
khud zarurat-mand hai rota hai khud tarsil ko
chahiye paighambar apne liye jibril ko
kab se sota hai karo bedar mikhail ko
warna kafi kaam mil jaega izrail ko
tu ne go koi kasar chhodi nahin rabb-e-karim
kaam ye karna padega phir bhi israfil ko
shahr ke qanun din mein todna aasan na tha
raat mein nikli hai duniya ilm ki tahsil ko

haalat use dil ki na dikhai na zaban ki

By

haalat use dil ki na dikhai na zaban ki
khair us ne na ki baat to hum ne bhi kahan ki
pahle to hansa zor se phir aah-o-fughan ki
masti mein qalandar ne badi dur ki han ki
allah ka banda koi ghar se nahin nikla
tafsir sabhi karte rahe kaun-o-makan ki
ek us ka sarapa hai ki bas mein nahin aata
kya ho gai haalat mere andaz-e-bayan ki
ek ek sitamgar ko tasawwur mein bula kar
shamshir-e-zaban hum ne bhi kal khub rawan ki
tufan-e-maani mere har lafz ke pichhe
tezi hai har ek sher mein dilli ki zaban ki
sahra-e-adam ka bhi 'shuja' khub maza hai
tum sochte rahte ho faqat gulshan-e-jaan ki

asar mein dekhiye ab kaun kam nikalta hai

By

asar mein dekhiye ab kaun kam nikalta hai
idhar se tegh udhar se qalam nikalta hai
firaq mein to nikalti thi jaan waise bhi
par aaj wasl mein hairat se dam nikalta hai
khada hua hai adu ka muamla aise
bayan kije to pahlu-e-dam nikalta hai
main rose jis ke taghaful ka rona rota hun
wo shakhs ghaur se dekhe to dam nikalta hai
jo dam milte hain becho mata-e-fan ko 'shuja'
ye mal in dinon waise bhi kam nikalta hai