namkin harf hai mera ye fasih

By

namkin harf hai mera ye fasih
kullo shain minal-malih malih
wa qina rabbana azabannar
shama ki hai hamesha ye tasbih
laminal-maa kullo shain hai
sharb-e-mai se hua hai mujh ko sahih
mislahu laisa wahidun gharra
mah-e-kanan bhi tha agarche fasih
ji mein aawe so kah tu 'taban' ko
laisa min fika shtamna be-qabih

nahin koD dost apna yar apna mehrban apna

By

nahin kod dost apna yar apna mehrban apna
sunaun kis ko gham apna alam apna fughan apna
na taqat hai ishaare ki na kahne ki na sunne ki
kahun kya main sunun kya main bataun kya bayan apna
nipat rakhta hai ji mera khafa hun nak mein dam hai
na ghar bhata hai ne sahra kahan kije makan apna
hua hun gum main lashkar mein pari-ruyan ke hai zalim
kahan dhundun kise puchhun nahin pata nishan apna
bahut chaha ki aawe yar ya us dil ko sabr aawe
na yar aaya na sabr aaya diya main ji nadan apna
qafas mein band hain ye andaliban sakht bebas hain
na gulshan dekh sakti hain na ab wo aashiyan apna
mujhe aata hai rona aisi tanhai pe ai 'taban'
na yar apna na dil apna na tan apna na jaan apna

yar se ab ke gar milun taban

By

yar se ab ke gar milun 'taban'
to phir us se juda na hun 'taban'
ya bhare ab ke us se dil mera
ishq ka nam phir na lun 'taban'
mujh se bimar hai mera zalim
ye sitam kis tarah sahun 'taban'
aaj aaya hai yar ghar mere
ye khushi kis se main kahun 'taban'
main to bezar us se hun lekin
dil ke hathon se kya karun 'taban'
wo to sunta nahin kisi ki baat
us se main haal kya kahun 'taban'
baad muddat ke mah-ru aaya
kyun na us ke gale lagun 'taban'

gham mein rota hun tere subh kahin sham kahin

By

gham mein rota hun tere subh kahin sham kahin
chahne wale ko hota bhi hai aaram kahin
wasl ho wasl ilahi ki mujhe tab nahin
dur hun dur mere hijr ke ayyam kahin
lag rahi hain tere aashiq ki jo aankhen chhat se
tuj ko dekha tha magar un ne lab-e-baam kahin
aashiqon ke bhi ladane ki tujhe kya dhab hai
chashm-bazi hai kahin bosa o paigham kahin
yamani ki si tarah lakht-e-jigar par khodun
muj ko malum agar howe tera nam kahin
hijr mein us but-e-kafir ke tadapte hain pade
ahl-e-zunnar kahin sahib-e-islam kahin
aarzu hai mere 'taban' ko bhi ab ai qatil
ki bar aae tere hathon se mera kaam kahin