zehn ke canwas ko phaila kar

By

zehn ke canwas ko phaila kar
tu har ek masale pe socha kar
mere kandhe pe aaj udasi phir
so gai apne baal bikhra kar
yun bichhadna to koi baat nahin
khub roya tha wo bhi ghar ja kar
meri jalti udas aankhon par
kabhi chupke se hont rakkha kar
aage ek bagh ka jazira hai
phul todenge naw thahra kar
apne haalat se nibat na saka
khud-kushi kar gaya wo ghabra kar
sab aqide hi be-asas hue
aagahi aur shuur ko pa kar

jab bhi peDon pe samar jagta hai

By

jab bhi pedon pe samar jagta hai
dil mein tufan ka dar jagta hai
subh hote hi bujhe sare charagh
ek sitara sa magar jagta hai
khak ho jata hai ye dast-e-dua
tab duaon mein asar jagta hai
shahr mein shor hai na-binon ka
kya koi ahl-e-nazar jagta hai
laut jaunga ki meri khatir
dasht mein ek shajar jagta hai