dstar-e-faqirana ek taj se afzun hai

dstar-e-faqirana ek taj se afzun hai
rah-e-tarah-e-khum-khana mearaj se afzun hai
aise hi hukumat hai aise hi ibaadat hai
ye shah-e-faqirana mohtaj se afzun hai
chalte ho paristan mein pariyan hain bahut shaeq
ab husn-e-pari-khana phir aaj se afzun hai
kya gham hai chhalak jae saghar mera ai saqi
wo takna paimana aamaj se afzun hai
phir hoe fuzun daulat 'akhtar' ye dua de tu
ye faqra-e-pirana ek raj se afzun hai

zohra suhail shams KHur badr baha tu kaun hai

zohra suhail shams khur badr baha tu kaun hai
hosh-ruba sitamgar mah-laqa tu kaun hai
bhut khabis naznin gul pari bala kahun
dil-lagi achchhi ye nahin mujh se hansa tu kaun hai
rag khayal gata hai raqs khushi dikhata hai
dur se kyun rijhata hai pas to aa tu kaun hai
band hain lab jawab mein ghir gaya main azab mein
aaya jo mere khwab mein aisa bura tu kaun hai
ab na payam-e-wasl de hijr ka kaun gham sahe
dur ho dur ho are pas na aa tu kaun hai
aaya hai kis ke jaish se bolta hai jo taish se
maffil-o-bazm-e-aish se dur ho ja tu kaun hai
bol na 'akhtar' ab kabhi hat thi ye ek shakhs ki
tarah jo sab se ki buri ye to bata tu kaun hai

mohabbat se banda bana lijiyega

mohabbat se banda bana lijiyega
bata dijiye kya khuda lijiyega
kahan tak ye chhalla-chhupawwal rahegi
bata dijiye hum se kya lijiyega
agar khoti ulfat se hai tum ko dhoka
kasauti par us ko chadha lijiyega
gilauri raqibon ne bheji hai sahab
kisi aur ko bhi khila lijiyega
muchalke ka kyun nam aaya zaban par
mohabbat ka hum se likha lijiyega
kisi aur se phir na kijega ulfat
ye qimat hai pahle chuka lijiyega
khafa kijiye ab na 'akhtar' ko sahab
ye dil lijiye aur kya lijiyega

lajyai se nazuk hai ai jaan badan tera

lajyai se nazuk hai ai jaan badan tera
ab chhu nahin sakte hum phula ye chaman tera
aankhen teri nargis hain rukhsar tere gul hain
chatwata hai honthon ko ye seb-e-zaqan tera
nakhun tere suraj hain aur chand hatheli hai
aaina-e-khud-rau hai shaffaf badan tera
dandan tere moti hain khurshid sa matha hai
dur jhadte hain baaton mein aisa hai dahan tera
us se tujhe nafrat hai ghairon se mohabbat hai
kab bhaega 'akhtar' ko ai jaan chalan tera

labaalab kar de ai saqi hai Khaali mera paimana

labaalab kar de ai saqi hai khali mera paimana
salamat daur-e-gardun tak ye shisha aur ye mai-khana
na puchho nam mujh wahshat-zada ka dasht-e-furqat mein
sidi saudai majnun mast be-khud zar-o-diwana
mujhe mushrik na samjho main muwahhid hun zamane mein
tasawir-e-khayali se bhara hai mera but-khana
hua matla jo mushrik mein to maghrib mein hua maqta
liye phirte hain hum dosh-e-saba par bait ka khana
urus-e-fikr meri aur dulhe se na zam hogi
faqiri ki milegi bu jo joda hoga shahana
bhala lahj-o-lahja istada kya bayan hoga
qayamat tak to suniye baith kar ulfat ka afsana
zaifi mein bhi lipti hai bala-e-shaeri mujh se
na chutegi kabhi 'akhtar' qalam se mashq-e-tiflana