dekha jo kuchh jahan mein koi dam ye sab nahin

By

dekha jo kuchh jahan mein koi dam ye sab nahin
tuk aankh mundte hi tum aur hum ye sab nahin
thodi si zist hai jo khushi se nibhe to khair
warna nishat-o-khurrami-o-gham ye sab nahin
bagh-o-bahaar-o-josh gul-o-khanda-e-subuh
saut-e-hazar-o-girya-e-shabnam ye sab nahin
duniya-o-din dida-e-dil sabr aur qarar
tu hi agar nahin to ek aalam ye sab nahin
kis kaam ke hain be-asari se agarche hain
aah-o-fughan-o-dida-e-pur-nam ye sab nahin
be-ishq jitni khalq hai insan ki shakl mein
nazron mein ahl-e-did ke aadam ye sab nahin
zakhm-e-nihan-e-hijr ko be-wasl ai 'muhib'
ho sud-mand bakhiya-o-marham ye sab nahin

dil-e-KHilqat-e-KHuda ko sanama jala na chandan

By

dil-e-khilqat-e-khuda ko sanama jala na chandan
ki falak ke par pahunche taf-e-ah-e-dard-mandan
kahen kya ki dekhte hain tujhe ghair sath khandan
rahe hont ho chabaate ba-jigar-fashurda-dandan
wahin jhad-gulon ke tude bandhen gulbanon ke niche
kabhu subh-dam chaman mein jo wo ghuncha-lab ho khandan
kaho kya barrar-sohbat meri us ki ho azizan
dil-e-nazuk apna shisha dil-e-sang us ka sandan
na bachega said un se koi aahu-e-haram tak
jo rahe shikar-afgan yahi ambarin-kamandan
kabhu rang se hina ke sar-e-dast-o-pa nigarin
na siwa-e-khun-e-ashiq karen ye nigar-bandan
na ho ghair sath har-dam mutabassim ai pari-wash
na namak-fishan ho dil ke sar-e-rish mustamindan
kiye shana rish ko yan abas aae shaikh ji tum
ki ye jam-e-bazm-e-rindan hai fariq-e-rish-khandan
nahin fal lab pe us ke ye hai mehr khamushi ki
wahi samjhe hai ye nukta ki jo hai bada sukhan-dan
kahin sarw se mushabah tere qad ko past-fitrat
ye hai gosh-zad hamare sukhan-e-nazar-bulandan
sabhi mahw-e-khud-numai ba-misal-e-aina hain
ye khudai se nirala hai giroh-e-khud-pasandan
teri wasf ka kamar ke na bandha kisi se mazmun
rahe khwab mein adam tak jo kai khayal bandan
'muhib' is ada ke sadqe ki uthae mar thokar
sar-e-pa-e-naznin se wo sar-e-niyaz-mandan

tarwar khinch hum ko dikhate ho jab na tab

By

tarwar khinch hum ko dikhate ho jab na tab
kya mar rahe jawan ko satate ho jab na tab
taqsir hum se kaun si aisi hui wuqua
munh par jo hath mere dhiraate ho jab na tab
az-bas mizaj hum se tumhaara kashida hai
aazurda baat mein hue jate ho jab na tab
ab to rakha hai kat hamara ye aap ne
ghairon se mil patang udate ho jab na tab
ek baat ka hamari batangad banate ho
sau jhut sach ko apne chhupate ho jab na tab
ai waizo ye kya tumhein bakwas lag gai
meri suno tum apni hi gate ho jab na tab
hum dard-e-dil kahen to jawab is maze se do
qissa 'muhib' ye kis ko sunate ho jab na tab

mil us pari se kya kya hua dil

By

mil us pari se kya kya hua dil
shaida hua dil ruswa hua dil
barq-e-tajalli dekh us nigah ki
jun tur jal kar surma hua dil
us sang-dil ki mai-khwargi se
khun-e-jigar mein mina hua dil
hain munqasim ye khun-bar aankhen
jin ki badaulat dariya hua dil
josh-e-junun se ishq-e-butan mein
sina hua koh-e-sahra hua dil
sozan hai az bas dagh-e-mohabbat
ek ek ka sa shoala hua dil
yunhi 'muhib' thi khwahish khuda ki
ab to butan ka banda hua dil

ji chahe kabe jao ji chahe but ko pujo

By

ji chahe kabe jao ji chahe but ko pujo
ye sun rakho 'muhib' tum aashiq kabhu na hujo
khun sau dilon ka hoga mashshata teri gardan
zulfon ka us ki tuta shane se ek mu jo
jis ja farishte ke par jalte hon panw dharte
dil us gali mein sar se shayan hai jae tu jo
ik-dam mein dekh lijo phir jeb para-para
be-faeda hai naseh karta hai tu rafu jo
kis rashk-e-mehr-o-mah ke shaeq hain dekhne ke
hain mehr-o-mah phirte din-raat ku-ba-ku jo
pa kar tujhe halawat kya kya uthate hain wo
kuchh dil hi dil mein teri karte hain justuju jo
kya kya na dagh-e-hasrat sab dil hi dil mein khawen
majlis mein gul-rukhon ki aawe wo shama-ru jo
takta muqabil us ke kis ru se mah howe
garm-e-sukhan ho zarra wo mehr-e-shoala-khu jo
thi mauj aahu-e-chin aur sab habab nafe
dariya par us ne khole gesu-e-mushkbu jo
sail-e-sarishk mere pahunche hai gham mein tere
gulzar mein rawan hai ai gul ye aab-ju jo
gulshan mein gar wo mai-kash aawe sharab pine
gul ka bhare piyala ghunche ki hai subu jo
kale ke katne ki chadhti hai lahr dil par
zulf-e-siyah us ki yaad aae hai kabhu jo
mani-shanas hi kuchh rutbe ko us ke samjhe
ek tarz ka hai apna andaz-e-guftugu jo
aashiq na hum to hote par ai 'muhib' baghal mein
dil hai wo dushman-e-jaan pita rahe lahu jo

ai dil aata hai chaman mein wo sharabi tu pahunch

By

ai dil aata hai chaman mein wo sharabi tu pahunch
le ke piyala gul ka ghuncha ki gulabi tu pahunch
bhar ke saghar kijiye khali gham-e-dauran se dil
ab na kar takhir ai saqi shitabi tu pahunch
pahne qasid jab talak yak-bar sharh-e-ishtiyaq
le kar ai betab dil ki iztirabi tu pahunch
khwahish-e-dil hai ki kije sair-e-aqlim-e-junun
tuk madad ko us ki ai khana-kharabi tu pahunch
jae hai tanha shab-e-tarik mein wo mehr-wash
aah-e-atish-bar le kar mahtabi tu pahunch
ta na phir shair likhen tausif-e-baala-e-butan
misra-e-mauzun-o-sher-e-intikhabi tu pahunch
jalwa-farma aaj hai takht-e-chaman par shah-e-gul
le kar ai paik-e-saba chatr-sahabi tu pahunch
musht-e-khak apni ko aalam mein na zaea kar aziz
hind se le ta-najaf ai bu-turabi tu pahunch
ai 'muhib' khwahish gazak ki ho jo is mai-khwar ko
hai tera sina to dukan-e-kababi to pahunch