ro lete the hans lete the bas mein na tha jab apna ji

By

ro lete the hans lete the bas mein na tha jab apna ji
tum ne hamein diwana kiya hai aisi to koi baat na thi
ab ye tumhaara kaam ki jaano hum parwane the ya dip
din bita to jalte jalte jalte jalte raat kati
gulshan gulshan mahfil mahfil ek hi qissa ek hi baat
zalim duniya jabir duniya jaane ye kab badlegi
lapke kitne hath na jaane un ke sajile daman par
kal tak the hum chaak-gareban un se puchhe aaj koi
hum hain mashal wale pahle hum se do do hath karo
phir bikhra lena andhiyara nagar nagar basti basti
tum ho aag to hum pani hain tum ho dhup to hum chhanw
apna tumhaara sath hi kya hum parja tum raja ji
gali gali mein khun ke dhabbe dagar dagar pe rakh ke dher
jashn manane wale yaro ek 'nazar' is jaanib bhi

ro lete the hans lete the bas mein na tha jab apna ji

By

ro lete the hans lete the bas mein na tha jab apna ji
tum ne hamein diwana kaha hai aisi to koi baat na thi
ab ye tumhaara kaam ki jaano hum parwane the ya dip
din bita to jalte jalte jalte jalte raat kati
gulshan gulshan mahfil mahfil ek hi qissa ek hi baat
zalim duniya jabir duniya jaane ye kab badlegi
lapke kitne hath na jaane un ke sajile daman par
kal tak the hum chaak-gareban un se puchhe aaj koi
hum hain mashal wale pahle hum se do do hath karo
phir bikhra lena andhiyara nagar nagar basti basti
tum ho aag to hum pani hain tum ho dhup to hum chhanw
apna tumhaara sath hi kya hai hum parja tum raja-ji
gali gali mein khun ke dhabbe dagar dagar ye rakh ke dher
jashn manane wale yaro ek nazar is jaanib bhi

qahat-e-wafa-e-ahd-o-paiman hai in dinon

By

qahat-e-wafa-e-ahd-o-paiman hai in dinon
zoron pe ehtiyat-e-dil-o-jaan hai in dinon
malun hain jo mausam-e-gul ke junun mein hain
matruk rasm-e-chaak-gareban hai in dinon
ye rasm-e-raftagan thi faramosh ho gai
apne kiye pe kaun pasheman hai in dinon
aankhen hain khushk surat-e-sahra-e-be-giyah
sina hujum-e-ashk se giryan hai in dinon
ye kaisa ohda hai ki meri chashm-e-khwab mein
naqsh-e-qadam bhi dida-e-jabran hai in dinon
darta hun apne sans ki sunta hun jab sada
dahshat bahut qarib-e-rag-e-jaan hai in dinon
dida-daron ke ghar pe musallat hai tirgi
andhon ki anjuman mein charaghan hai in dinon
bad-tar hai jaanwar se bhi danishwaron ka haal
jo sochta nahin hai wo insan hai in dinon
har bul-hawas dhani hai muqaddar ka aaj-kal
har be-zamir sahab-e-imkan hai in dinon
tujh se gila nahin hai ki tu phir bhi ghair tha
mera wajud mujh se gurezan hai in dinon
ji chahta hai ru-e-zamin par bikher dun
jo dard meri ruh mein pinhan hai in dinon
kaise chhudaun kaise likhun sharh-e-dard-e-nau
har ek lafz zinat-e-zindan hai in dinon
yaadon ke phul hadd-e-nazar tak khile hain phir
dasht-e-firaq rashk-e-gulistan hai in dinon

hayat waqf-e-gham-e-rozgar kyun karte

By

hayat waqf-e-gham-e-rozgar kyun karte
main sochta hun ki wo mujh se pyar kyun karte
na meri rah mein tare na mere pas charagh
wo mere sath safar ikhtiyar kyun karte
nigah sirf bulawa nahin kuchh aur bhi hai
ye jaante to tera e'tibar kyun karte
gham-e-hayat mein hota agar na hath tera
to hum khirad mein junun ko shumar kyun karte
koi to baat hai warna jafaon ke mare
tujhe bhula ke tera intizar kyun karte
'nazar' chaman mein agar waqai bahaar aati
to phul khwahish-e-abr-e-bahaar kyun karte

har ghaDi qayamat thi ye na puchh kab guzri

By

har ghadi qayamat thi ye na puchh kab guzri
bas yahi ghanimat hai tere baad shab guzri
kunj-e-gham mein ek gul bhi likh nahin saka pura
is bala ki tezi se sarsar-e-tarab guzri
tere gham ki khushbu se jism o jaan mahak utthe
sans ki hawa jab bhi chhu ke mere lab guzri
ek sath rah kar bhi dur hi rahe hum tum
dhup aur chhanw ki dosti ajab guzri
jaane kya hua hum ko ab ke fasl-e-gul mein bhi
barg-e-dil nahin larza teri yaad jab guzri
be-qarar be-kal hai jaan sukun ke sahra mein
aaj tak na dekhi thi ye ghadi jo ab guzri
baad-e-tark-e-ulfat bhi yun to hum jiye lekin
waqt be-tarah bita umr be-sabab guzri
kis tarah tarashoge tohmat-e-hawas hum par
zindagi hamari to sari be-talab guzri

din aise yun to aae hi kab the jo ras the

By

din aise yun to aae hi kab the jo ras the
lekin ye chand roz to behad udas the
un ko bhi aaj mujh se hain lakhon shikayaten
kal tak jo ahl-e-bazm sarapa sipas the
wo gul bhi zahr-khand ki shabnam se at gae
jo shakhsar-e-dard-e-mohabbat ki aas the
meri barahnagi pe hanse hain wo log bhi
mashhur shahr bhar mein jo nang-e-libas the
ek lafz bhi na meri safai mein kah sake
wo sare mehrban jo mere aas-pas the
tera to sirf nam hi tha to hai kyun malul
bais mere junun ka to mere hawas the
wo rang bhi ude jo nazar mein na the kabhi
wo khwab bhi lute jo qarin-e-qayas the