aankh se bichhde kajal ko tahrir banane wale
mushkil mein pad jaenge taswir banane wale
ye diwana-pan to rahega dasht ke sath safar mein
sae mein so jaenge zanjir banane wale
us ne to dekhe an-dekhe khwab sabhi lautae
aur the shayad tuti hui tabir banane wale
sone ki diwar se aage mere kaam na aae
sachche jazbe mitti ko iksir banane wale
juzw-e-sher nahin hain 'qasir' juzw-e-jaan kar dale
hum ko jitne dard mile the 'mir' banane wale