aata hai tegh hath mein wo jang-ju liye jata hun main bhi sar ke tain ru-ba-ru liye gulzar yak-ba-yak jo mahakne laga hai yun sach kah saba tu phirti hai yan kis ki bu liye soe kabhi na sath hamare khushi se tum jawenge gor mein yahi hum aarzu liye deta nahin hai chain ilahi main kya karun phirta hun raat-din dil-e-betab ku liye 'asif' na chhod dast-e-sakhawat ko zinhaar laya hai kuchh na sath na jawega tu liye