aaya tha koi zehn tak aa kar palaT gaya

aaya tha koi zehn tak aa kar palat gaya
lekin bisat-e-dil to hamari ulat gaya
hae wo sail-e-ashk jo palkon pe tham gaya
aankhon mein apni aaj samundar simat gaya
phailae hum khade rahe palkon ki jholiyan
aaya umad ke abr magar wo bhi chhat gaya
teri gali mein tera tasawwur kiye hue
ek shakhs aap sae se apne lipat gaya
dasht-e-hayat se koi guzra hai is tarah
gard-e-qadam se waqt ka chehra bhi at gaya