ab unhen mujhse kuchh hijab nahin

ab unhen mujh se kuchh hijab nahin
ab in aankhon mein koi khwab nahin
meri manzil hai raushni lekin
meri qudrat mein aaftab nahin
tujh ko tartib de raha hun main
meri ghazlon ka intikhab nahin
ab suna hai ki mere dil ki tarah
ek sahra hai mahtab nahin
sham itni kabhi udas na thi
kyun teri zulf mein gulab nahin
yun na padhiye kahin kahin se hamein
hum bhi insan hain kitab nahin
kahkashan so rahi hai ai 'shabnam'
husn aangan mein mahw-e-khwab nahin
Please share if you liked this!!!