apni sochen shikast-o-KHam na kar

apni sochen shikast-o-kham na kar
chal pada hai to phir qayam na kar
main bhi hassas dil ka malik hun
sare ehsas apne nam na kar
jism chahe ghulam ho jae
zehniyat ko magar ghulam na kar
main khud apni nazar se gir jaun
tu mera itna ehtiram na kar
tere pichhe ghubar udne lage
khud ko tu itna tez-gam na kar
log mashkuk ho chale 'azar'
ab har ek shakhs ko salam na kar