bab-e-hairat se mujhe izn-e-safar hone ko hai

bab-e-hairat se mujhe izn-e-safar hone ko hai
tahniyat ai dil ki ab diwar dar hone ko hai
khol den zanjir-e-dar aur hauz ko khali karen
zindagi kai bagh mein ab sah-pahar hone ko hai
maut ki aahat sunai de rahi hai dil mein kyun
kya mohabbat se bahut khali ye ghar hone ko hai
gard-e-rah ban kar koi hasil safar ka ho gaya
khak mein mil kar koi lal-o-guhar hone ko hai
ek chamak si to nazar aati hai apni khak mein
mujh pe bhi shayad tawajjoh ki nazar hone ko hai
gum-shuda basti musafir laut kar aate nahin
moajaza aisa magar bar-e-digar hone ko hai
raunaq-e-bazar-o-mahfil kam nahin hai aaj bhi
saneha is shahr mein koi magar hone ko hai
ghar ka sara rasta is sarkhushi mein kat gaya
us se agle mod koi ham-safar hone ko hai
This is a great love baby shayari. Please share if you liked this!!!