badan ke donon kinaron se jal raha hun main

badan ke donon kinaron se jal raha hun main
ki chhu raha hun tujhe aur pighal raha hun main
tujhi pe khatm hai jaanan mere zawal ki raat
tu ab tulu bhi ho ja ki dhal raha hun main
bula raha hai mera jama-zeb milne ko
to aaj pairahan-e-jaan badal raha hun main
ghubar-e-rahguzar ka ye hausla bhi to dekh
hawa-e-taza tere sath chal raha hun main
main khwab dekh raha hun ki wo pukarta hai
aur apne jism se bahar nikal raha hun main
This is a great tulu funny shayari. Please share if you liked this!!!