betab hain kisi ki nigahen naqab mein

betab hain kisi ki nigahen naqab mein
hain bijliyan ki kaund rahi hain sahab mein
likkhunga khat mein khub adu ki buraiyan
ho kar khafa wo kuchh na likhenge jawab mein
hum ko hai un ki fikr to un ko adu ki fikr
donon hain ek silsila-e-iztirab mein
us chhed ke nisar ki sun kar sawal-e-wasl
aaina rakh diya mere aage jawab mein
yaron main bu-e-mehr-o-mohabbat nahin 'nasim'
kya khak ud rahi hai jahan-e-kharab mein
This is a great tarasti nigahen shayari. True lovers of 2 line naqab shayari will love this. For some people shayari is the most enjoyable thing in life and they absolutely adore thakur sahab shayari. Please share if you liked this!!!