butan jab ki zulf-e-dota bandhte hain

butan jab ki zulf-e-dota bandhte hain
girah mein dil-e-mubtala bandhte hain
nahin banti bulbul se apni chaman mein
hum ab aashiyana juda bandhte hain
jafa khinchenge par na haarenge ji ko
ye hum tum se shart-e-wafa bandhte hain
girah de ke sar par jo baalon ka juda
ye nazuk-badan khush-ada bandhte hain
har ek tar mein us ke dil-ha-e-ushshaq
baham jama kar ke mila bandhte hain
miyan haal-e-'maqtul' dekha nahin kya
kamar aap kis par bhala bandhte hain
Please share if you liked this!!!