buzurgo, naseho, farman-rawao
hamein to mai-kade tak chhod aao

amirana bhi is kuche mein aao
lab-o-rukhsar-o-mizhgan ke gadao

ubharti ja rahi hai shama ki lau
badi nadan ho thandi hawao

hazaron raaz uryan ho rahe hain
girao aankh par chilman girao

wo mujh se aur main un se khafa hun
nadimo aa ke donon ko manao

na jaane hum kahan gum ho chuke hain
jo mumkin ho to hum ko dhund lao